San Lucas 16:1 - Bible in Tzeltal Bachajón

¹ Te Jesús hich la yalbe xan te jnopojeletic yu'un: Ay jtuhl jc'uhlej winic te ay jcanan-biluc yu'un te c'oht ta halbeyel te yac ta lajimbeyel sbiluc yu'un.

Nuevo Testamento Tzeltal de Amatenango

¹ Te Jesuse jich a yalbe xan te jnopojeletik yuꞌune: —Ay jtul jkꞌulej winik te ay jtul yaj-kanane. Te yane ba yalbe smul te jkanane te yipal ta slajimbeyel stutik yuꞌun te yajwale.

Bible in Tzeltal de Oxchuc y Tenejapa

¹ Te Jesús jich la yalbey xan te jnopojeletic yu'une: —Ay jtul jc'ulej-winic te ay mayordomo yu'une. Te yantique tal yalbey smul te mayordomo te jontol nax yac ta slajinbel sbiluc te yajwale.

San Lucas 16:1 Referans Kwoze

1 Pedro 4:10

Te mahtanil a'bot yu'un Dios ta jtuhlutuhl, tuhunahic ta stojol yantic scuenta lequil jcanan yu'un te bayel ta chahp mahtaniletic ya yac' te Diose.

San Lucas 12:42

Hich halbot yu'un te Cajwaltic: ¿Mach'a a te jcanan te jun yo'tan soc te ay sp'ijil yo'tan, te ha ya x'a'bot scuentahimbe te a'batetic yu'un te yajwal scuenta yu'un ya spucbe bin ya xtuhun yu'unic ta yorahil?

Santiago 4:3

Yac ac'ambeyic, pero ma ba yac awich'ic, yu'un ma ba lec yac ac'ambeyic, ha nax yac ac'anic yu'un yac atuhunic yu'un te bintic ya smulan awo'tanique.

Tito 1:7

Te anciano ya sc'an te mayuc bin ya sutot ta c'op yu'un, como ha scuentahinej te bin ay yu'un Dios; ma sc'an te ya stoy sba, te ya x'ilin ta ora, ya sc'an te ma xya'iy yacubel, ma ba ya shach c'op, ma ba ya sbic'sitay te bin ma stojiluc ta stahel taq'uin.

San Lucas 15:30

Pero te c'alal suht tal te anich'an te la yixtalajimbat te bintic ay awu'un soc j'antsinel-antsetic, la amilbe te juhp'en wacax, la yut.

San Lucas 15:13

Ma haluc c'ahc'al ta patil, te ihts'inal la stsob spisil bintic ay yu'un, baht ta namal ta yan q'uinal, tey c'oht slajin spisil a, biluc nax bin la slajin a.

San Lucas 19:20

Tal yan, hich hul yal: Cajwal, li' ay te mina awu'un; la jq'uejbat, la jpots ta chuhquilal,

Proverbios 18:9

Te mach'a ma spas te ya'tel, ha yermano sba soc te mach'a ya xjinawan.

San Lucas 16:19

Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

San Lucas 8:3

soc te Juana te yihnam Chuza te scuentahimbeyej sna Herodes, soc te Susana, soc tsobol yantic antsetic te la scoltayic te Jesús yu'un te bintic ay yu'unique.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

1 Crónicas 28:1

Te David la stsob ta Jerusalén spisil te príncipaletic yu'un Israel: ha te jtsobawetic yu'un jujuchahp sts'umbalic, te jtsobawetic yu'un chahpalchahp soldadohetic te ayic ta a'batinel yu'un te ajwalil, te jtsobawetic yu'un jujumil (1,000) soc ho'ho'winic (100), te jcuentahinwanejetic yu'un spisil sq'uinal soc te bintic ay yu'un te ajwalil soc te snich'nab, te mach'atic ay ya'telic, te mach'atic ay yipic soc te ay yip yo'tanic.

Génesis 43:19

Ha yu'un nohpojic bahel ta stojol te mayordomo yu'un te sna José, la sjuquic ta c'op ta yochibal te na,

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

San Mateo 20:8

C'alal mahlix c'ahc'al a, te yajwal te ts'usubil la yalbe te mayordomo yu'un: Ic'ticlana tal te j'a'teletic, tojbeya te ya'telic, ha nahil yac atoj te mach'atic patilix hahchic ta a'tel, ha patil te mach'atic nahil hahchic ta a'tel, xchi.

San Lucas 16:2

Ha yu'un la yic' tal, hich la sjoc'obe: ¿Melel bal te hich ay ta halel ac'oblal ya ca'iy? Ac'ahix cuenta te bintic ay ta acuenta scanantayel, como ma xhu' ya xhilatix ta jcanan-biluc cu'un, la yut.