San Lucas 15:24 - Bible in Tzeltal Bachajón

²⁴ como te jnich'an chamenix a, pero cha'cuxajix tal; ch'ayem, pero la jtahix, xchi te state. Hich hahch spasic q'uin yu'un yutsil q'uinal.

Nuevo Testamento Tzeltal de Amatenango

²⁴ Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

Bible in Tzeltal de Oxchuc y Tenejapa

²⁴ Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

San Lucas 15:24 Referans Kwoze

Efesios 2:5

pajal la ya'botic cuxlejal soc Cristo te c'alal ayotic to ta mulil a (ha ta scuenta yutsil-o'tanil te colemex).

Ezequiel 34:16

Ya jle te tuminchij te ch'ayem, ya jsuhtes tal te howiyemic bahel, ya jpotsbe te banti waq'uem soc ya ca'be yip te banti mayuc yip; pero ya jlajin te juhp'en soc te ay yipe. Stojil me ya jcanantay.

Colosenses 2:13

Te ha'exe, te c'alal chamenex yu'un amulic soc te c'alal ma ba yich'oj circuncisión te apoco'-talelic yu'un mulil, Dios la yac' te pajal la awich' acuxlejalic soc Cristo, ha la spasbeyex perdón yu'un spisil amulic.

San Lucas 19:10

como te Nich'anil ay ta scuenta winic tal sle soc tal scoltay te mach'atic ch'ayemique, xchi.

Efesios 2:1

Ta nahilal chamenex ta scaj ac'axun-mandaric soc amulic,

San Lucas 15:4

Teme ay jtuhlex te ay ho'winic (100) ta coht stuminchij te ya xch'ay jcoht, ¿ma bal yacuc yihquitay hilel ta aquiltic te balunlajuneb yo'winic (99) ta coht soc ya xchol bahel te jcoht ch'ayem ha to c'alal ya sta?

San Lucas 15:32

Pero ya sc'an te tse'el co'tantic ya jpastic q'uin, como te awihts'ine chamenix a, pero cha'cuxajix tal; ch'ayem, pero la jtahix, xchi.

Romanos 6:11

Ha nix hichex, chamenuquex me xap'is abahic ta stojol mulil, pero cuxuluquex me ta stojol Dios ta scuenta te Cajwaltic Cristo Jesús.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

Romanos 12:15

Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

1 Corintios 12:26

Teme ay swocol junuc, pajal ya ya'iybe swocol sc'uxul, soc teme ay junuc te ya x'ich'ot ta muc', spisilic tse'el yo'tanic yu'un.

1 Timoteo 5:6

Yan te ants te ya yac' sba ta spasel te bin mulantic sba, cuxul pero chamenix c'ohem.

Romanos 11:15

como teme ta scuenta te ihquitaybilic hilel te hich junax yo'tanic soc Dios c'oht te bahlumilal, ¿bin yilel ya xc'oht te c'alal ya xcha'ic'otic xan te Israel? ha me cuxlejal ya xc'oht ta yohlil mach'atic chamenic.

Romanos 6:13

soc ma me xawac' ta tuhunel yu'un mulil te abaq'uetalic ta spasel bintic chopol, ha me xawac' abahic ta stojol Dios, te bin ut'il cuxajemex loq'uel tal ta yohlil mach'atic chamenic; ha me xawac' ta tuhunel yu'un Dios te abaq'uetalic ta spasel bintic toj.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Marcos 8:22

C'ohtic ta Betsaida, la yiq'uic tal jtuhl ts'o'sit, la yalbeyic wocol te Jesús te yacuc spicbe.

Ezequiel 34:4

Ma ba la awa'beyic yip te mayuc yipic soc ma ba la apoxtayic te ayic ta chamel; ma ba la apotsic te banti waq'uem, ma ba la awiq'uic suhtel tal te howiyemic bahel, ma ba la alehic te ch'ayemique, tulan la acuentahinic soc la awuts'inic.

Apocalipsis 3:1

Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Judas 1:12

Ha awabaquilic ta q'uin yu'un c'uxul-o'tanil awu'unic, mayuc sq'uexlalic a ya sjoquinex ta we'el, ha nax ya scanantay sbahic stuquel. Ha tocaletic te mayuc ya'lel, bayuc ya xtenotic yu'un te iq'ue; ha te'etic ta yorahil shahchel scomil c'ahc'al te mayuc sit soc bulbilic, cheb buelta lajemic.

San Lucas 10:19

Ho'on ya ca'beyex yac ats'o'ticlanic ta teq'uel jti'awal chanetic soc tsequetic soc stsalel spisil yip acontratac, mayuc bin ya yuts'inex.

Génesis 45:28

Ha yu'un hich la yal te Israel: ¡Tic' abi, cuxul to te jnich'an José! Ya xbohon, ya xbaht quilbe xan sit te c'alal ma to xchamon a, xchi.

Isaías 66:11

yu'un ya xchu'unex soc ya xnoj ach'uhtic yu'un te ch'u'ul te ya yac' muc'ul-o'tanil; yac awuch'ic soc yac amulambeyic te yutsilal te c'ax bayele.

San Mateo 8:22

Hich halbot yu'un te Jesús: T'unawon; ha nix ac'a smuc sbahic te mach'atic pajal chamen soque, xchi sc'oblal.

San Lucas 9:60

La yal te Jesús: Ha ac'a smuc te chamen winic te mach'a pajal chamen soque; yan te ha'ate, behenan, puca ta halel sc'oblal te cuentahinel yu'un Dios, xchi.

San Lucas 15:23

Ic'ahic tal te juhp'en wacax soc milahic, ya jwe'tic, ya jpastic q'uin,

San Lucas 15:25

Te banquilal, bahem ta sq'uinal a. Te c'alal suht tal, nopol ya xc'ohtix ta sna a, la ya'iy ay q'uin soc noc'ol ahc'ot;