San Lucas 13:34 - Bible in Tzeltal Bachajón

³⁴ ¡Jerusalén, Jerusalén, te yac amil te jalwanejetic soc te yac ach'oj ta ton te mach'atic ticombilic ta atojole! ¡Bayel buelta hich ya c'an jtsob te awal-anich'nab te bin ut'il ya stsob yalatac ta ye'tal xic' te me'mut, pero ma ba la ac'an!

Nuevo Testamento Tzeltal de Amatenango

³⁴ “Jerusalen, Jerusalen, te kꞌayemat ta smilel te jꞌalwanejetik yuꞌun te Diose, sok kꞌayemat ta xchꞌojel ta ton te machꞌatik tikonlanbil tal yuꞌun Dios ta atojolike. Bayal buelta te kꞌan jtsob te awal-anichꞌanike jich tutꞌil ya stsob xchꞌinik yal ta yanil xikꞌ te mute, pero ma la akꞌanik.

Bible in Tzeltal de Oxchuc y Tenejapa

³⁴ “¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

San Lucas 13:34 Referans Kwoze

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

Isaías 30:15

Como hich ya yal te Jehová te Ch'ul Dios yu'un Israel: Ta scuenta suhtesel-o'tanil soc cux-o'tanil yac ata acolelic; ta scuenta lamal-o'tanil soc smuc'ul-o'tanil yac ata awipic, xchi; pero ma ba la ac'anic.

San Lucas 23:28

Te Jesús la sut sba, hich la yalbe: Yantsilel Jerusalén, ma me ho'ucon xawoq'uetayonic, ha'ex nix xawoq'uetay abahic soc awal-anich'anic,

San Lucas 19:44

ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Oseas 11:2

C'alal bayel la jquic', namal to xan la yac' sba ta jtojol. La ya'be chic'bil mahtaniletic te baaletic, soc la schic'beyic pom te loc'ombahetique.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Salmos 36:7

¡Bayel yutsil, Dios cu'un, te sc'uxul awo'tan! Ha scuentahil te ants-winiquetic ya snac' sbahic ta yaxinal axic'.

Rut 2:12

Te Jehová ac'a stojat yu'un te bintic la apas, soc yacuc x'a'botat amahtan yu'un Jehová te Dios yu'un Israel, te tal awac' aba ta ye'tal xic' yu'une, xchi.

San Mateo 22:6

te yantic la stsaquic te a'batetic, la smajic soc la smilticlanic.

San Mateo 22:3

La sticon bahel te a'batetic yu'un ta yiq'uel tal te mach'atic ic'bilic ta yilel te nuhpunel, pero ma ba la sc'an talic.

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Salmos 91:4

Ya me sluts'at ta ye'tal sc'uc'umal, ta ye'tal xic' yac ata canantayel; te bin ut'il stalel jun yo'tan ha amahquil soc ats'ahcul.

Salmos 81:13

Te lajuc ya'iybon jc'op te pueblo cu'un, te lajuc st'umbon te behetic cu'un te Israel,

Salmos 57:1

C'uxultayawon, Dios cu'un, c'uxultayawon, como snac'oj sba ta atojol te jch'uhlele; ya jnac' jba ta yaxinal axic' ha to c'alal c'axix bahel a te wocole.

Nehemías 9:30

Bayel ha'bil cuhch awu'un, soc la atsits ta scuenta te espíritu awu'un ta scuenta te jalwanejetic awu'un, pero ma ba la sc'an la ya'iyic. Ha yu'un la awa'be ta sc'ab te nacionetic ta q'uinal.

Jeremías 35:14

Ch'uhumbil te sc'op Jonadab snich'an Recab, te la spas ta mandar te snich'nab te ma me xyuch'ic vino, hich c'alal ora mayuc yuch'ojic vino, yu'un sch'uhumbeyejic smandar te state. Yan te ho'one, bayel buelta la jc'oponex, pero ma ba la awich'onic ta cuenta.

Jeremías 26:23

La yiq'uic loq'uel tal ta Egipto te Urías, la yiq'uic ta stojol te ajwalil Joacim, te ha la smil ta espada soc la sch'ojbe bahel sbaq'uetal ta comon muquenal.

Salmos 149:2

Tse'eluc me yo'tan Israel ta stojol te Jpaswanej yu'une; te snich'nab Sión tse'eluc me yo'tanic ta stojol te Ajwalil yu'unique.

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Deuteronomio 32:29

¡Te ayuc sp'ijilic, te yacuc xc'oht ta yo'tanic ini, te yacuc sna'ic banti ya xc'ohtic ta loq'uel!

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Apocalipsis 11:8

Pujul ya xhil sbaq'uetalic ta calle yu'un te muc'ul pueblo, ha te Sodoma soc Egipto sbihil, tey nix ta banti laj ta milel ta cruz te Cajwaltique.

Hechos 8:1

Te Saulo lec la ya'iy te la yich' milel te Esteban. Ta hich ora hahch bayel uts'inel ta stojol te iglesia te ay ta Jerusalén; spisilic puhquic bahel ta sq'uinal Judea soc Samaria, stuquel xanix hil te jpuc-c'opetique.

Hechos 7:59

C'alal yacalic ta sch'ojel ta ton a, la sc'opon Dios te Esteban: Cajwal Jesús, ic'bon jch'uhlel, xchi.

San Lucas 15:28

Ilin yu'un te banquilal, ma ba la sc'an och bahel. Ha yu'un loc' talel te state, la yalbe wocol te yacuc x'och bahel.

Joel 2:23

Ha nix hichex, yal-snich'nabex Sión, tse'eluc me awo'tanic, ayuc me yutsil awo'tanic ta stojol Jehová te Dios awu'unique, como la ya'beyexix tal te shahchibal ha'al ta yorahil, soc ya me sticon tal ta atojolic te ha'al ta yorahil scomil c'ahc'al soc ta yorahil snahtil c'ahc'al, hich te bin ut'il ta nahil to.

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Salmos 17:8

Canantayawon hich te bin ut'il sch'uhlel asit; nac'awon ta ye'tal yaxinal axic',

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.