San Lucas 13:33 - Bible in Tzeltal Bachajón

³³ Pero ya sc'an te ya xbehenon yo'tic soc pajel soc cha'bej, como ma xpas te ma ba ta Jerusalén ya xlaj te mach'a jalwanej.

Nuevo Testamento Tzeltal de Amatenango

³³ Porke ya to me xbeenon te ora to sok pajel sok chaꞌbej. Yuꞌun ma xjuꞌ te yan ba ya xlaj jtuluk jꞌalwanej yuꞌun te Diose; puersa me teꞌ ya xlaj te ba Jerusalene.

Bible in Tzeltal de Oxchuc y Tenejapa

³³ Melel ya to me xbeenon ta ora to, soc pajel, soc cha'wej. Yu'un ma xju' te q'uejel ya xlaj jtuluc j'alwanej yu'un te Diose, tey me ya xlaj ta puersa ta bay Jerusalén.

San Lucas 13:33 Referans Kwoze

San Lucas 9:53

Pero te samaritanohetic ma ba la yiq'uic, como la yilic te ay yip yo'tan te ya xbaht ta Jerusalén.

San Mateo 21:11

Hich la yalic te ants-winiquetic: Ha te Jesús, te jalwanej te talem ta Nazaret ta sq'uinal Galilea, xchihic.

Hechos 13:27

como te mach'atic nahinemic ta Jerusalén soc te jcuentahinwanejetic yu'unic, ma ba la yich'ic ta cuenta mach'a a te Jesús soc te sc'op te jalwanejetic te ya yilic ta jujun sc'ahc'alel cux-o'tan, hich la yaq'uic ta milel.

San Mateo 20:18

Yacotic ta mohel ta Jerusalén, te Nich'anil ay ta scuenta winic ya x'ac'otix ta sc'ab te principal sacerdotehetic soc te escribanohetic, ya me yaq'uic ta milel.

San Juan 11:54

Ha yu'un te Jesús ma ba behen ta comonsitil ta yohlil te judíohetique, loc' tey a, baht ta jun lugar nopol ta jochol taquin q'uinal, ta jun pueblo Efraín sbihil; tey halaj soc a te jnopojeletic yu'un.

San Juan 9:4

Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

San Juan 11:9

La sjac' te Jesús: ¿Ma bal lahchayebuc ora yich'oj te jun c'ahc'al? Te mach'a ya xbehen ta c'ahc'alel ma ba ya sc'ohchin yoc, como ya yil q'uinal ta scuenta te sacal q'uinal yu'un te bahlumilale.