San Lucas 13:27 - Bible in Tzeltal Bachajón

²⁷ Pero hich me ya yalbeyex: Ya calbeyex te ma jna' banti talemex; loc'anic ta jtojol apisilic te chopol awa'telique, ya me yutex.

Nuevo Testamento Tzeltal de Amatenango

²⁷ Pero te yajwal nae ya me sjakꞌbeyex: “Ma jnaꞌ ba talemex. Kꞌeja abaik ta jtojol, jaꞌex te yipalex ta spasel te tut ma tsaꞌamuke”, ya me yutex.

Bible in Tzeltal de Oxchuc y Tenejapa

²⁷ Jich me ya yalbeyex: “Ma jna' te banti talemexe. Q'ueja abaic ta jtojol ja'ex te yacalex ta spasel te bila ma lecuque”, ya me yutex.

San Lucas 13:27 Referans Kwoze

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

Salmos 6:8

¡Loc'anic ta jtojol, apisilic te chopol awa'telic, como te Jehová la ya'iybonix te coq'uele!

Salmos 119:115

¡Q'ueja abahic ta jtojol, ha'ex te chopolex, yu'un ya jch'uhun spasel te mandariletic yu'un te Dios cu'une!

San Lucas 13:25

Teme hahchemix te yajwal na soc la smac te ti'nahil, ya me xhilex ta c'op ta fuera: Cajwal, Cajwal, jambotcotic, xchihex. Ma jna' banti talemex, ya me yutex.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

Oseas 9:12

Teme ay ya xmuc'ub te yal-snich'nabic, ya jloq'ues ta yohlilic. ¡Ay me swocolic te c'alal ya xloc'on bahel ta stojolic!

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 101:8

Ta jujun sab ya jlajinlan spisil te mach'atic chopolic ta q'uinal, scuenta yu'un ya xlaj ta muc'ul pueblo yu'un Jehová spisil mach'atic ya spasic te bin chopol.

Salmos 28:3

Ma me pajaluc xatason bahel soc te mach'atic chopolic soc te mach'atic ya spasic mulil, te lamal q'uinal ya xc'opojic soc spat-xuhquic, pero ay bin chopol ay ta yo'tanic.

Salmos 5:6

Yac alajinlan te mach'atic ya ya'iyic lot, yac awihlay te jmilaw soc te jlo'loywanej.

Gálatas 4:9

Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

1 Corintios 8:3

Yan te mach'a c'ux ya ya'iy ta yo'tan te Diose, na'bibil sba yu'un stuquel.

San Mateo 25:12

Pero la sjac': Jamal ya calbeyex te ma jna'beyex abahic, xchi sc'oblalic.