San Lucas 13:16 - Bible in Tzeltal Bachajón

¹⁶ Te ants ini te ha sts'umbal Abraham te ayix ta waxaclajuneb (18) ha'bil chucbil yu'un Satanás, ¿ma bal yacuc xhu' ta tilbeyel schuhquil ta sc'ahc'alel cux-o'tan? xchi.

Nuevo Testamento Tzeltal de Amatenango

¹⁶ Yuꞌun te ants to, te jaꞌ stsꞌumbal te jꞌAbrahame, ayix diesiocho jaꞌbil te chukbil ta chamel yuꞌun te pukuje. ¿Meꞌn ma wan lekuk te la yichꞌ koltayel te skꞌaal kuxo-oꞌtane? —xyut.

Bible in Tzeltal de Oxchuc y Tenejapa

¹⁶ ¿Ja' xan in ants to te sts'umbal Abraham te ayix waxaclajuneb (18) ja'wil te chucbil yu'un te Satanase? ¿Ma bal lecuc te la yich' coltayel uuc ta sc'aalelal te cux-o'tane? —la yut.

San Lucas 13:16 Referans Kwoze

San Marcos 2:27

Soc hich la yalbeyic xan: Te sc'ahc'alel cux-o'tan la yich' aq'uel ta scaj ants-winiquetic, ma ha'uc te ants-winiquetic la yich'ic aq'uel ta scaj te sc'ahc'alel cux-o'tan.

2 Timoteo 2:26

soc hich ya x'ahnic loq'uel ta syac te pucuj te banti chucbilic yu'un ya spasic te bin ya sc'an yo'tan stuquel.

Hechos 13:26

Quermanotac, sts'umbalex Abraham, soc ha'ex te awich'ojic ta muc' te Diose, ticombilix ta halel ta atojolic te bin ut'il ay sc'oblal te colel ini,

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

San Lucas 19:9

Hich halbot yu'un te Jesús: Yo'tic hulemix colel ta na ini, como ha nix sts'umbal Abraham;

San Lucas 3:8

Ac'a chicnajuc ta ilel ta awa'telic te suhtemix awo'tanic, ma me hichuc ya xhahch anop ta awo'tanic: Ha jtatcotic te Abraham, ma me xchihuquex, como ya calbeyex te Dios ya xhu' ya sc'atp'un ta yal-snich'an Abraham ha'i tonetic ini.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Lucas 16:24

Ha yu'un hich la yawtay: Jtat Abraham, c'uxultayawon, ticombon tal te Lázaro, ac'a yahts'es tal sni'il yal sc'ab ta ha' yu'un ya sicubtesbon cac' a, yu'un bayel yacon ta wocol ta c'ahc' li'i, xchi ta aw.

Salmos 107:14

La sloq'ueslan ta yihc'al q'uinal soc ta yaxinal lajel, soc la stuch'ticlambe te cadenahetic te chuculic a.