San Lucas 12:48 - Bible in Tzeltal Bachajón

⁴⁸ Yan te a'bat ta scaj ma sna' te bin ya spas te ya yich' majel yu'une, ma ba bayel majel ya yich' stuquel, como spisil te mach'a bayel bin a'bot, bayel bin ya xc'ambot, soc te mach'a bayel bin a'bot scuentahin, c'ax hich ya xc'ambot suhtel a.

Nuevo Testamento Tzeltal de Amatenango

⁴⁸ Yan te jꞌaꞌtel te ma snaꞌojuk te tut ya skꞌan yoꞌtan te yajwale, te jaꞌ a spas te tut ay kastigo yuꞌune, chꞌin nax me ya stoj ta majel stukel. Te machꞌa bayal tut ya xꞌaꞌbote, bayal me te tut ya xkꞌambote. Jich euk te machꞌa bayal tut ya xꞌaꞌbot skanantaye, jich me bayal ya xkꞌambot sujtel stukel.

Bible in Tzeltal de Oxchuc y Tenejapa

⁴⁸ Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

San Lucas 12:48 Referans Kwoze

Santiago 3:1

Quermanotac, ma me tsoboluquex te yac awa'iyic p'ijubteswanej, como ana'ojic te c'ax tulan xan ya quich'cotic ich'el ta c'op.

Levítico 5:17

Teme ay mach'a ya sta smul o te ya spas te bin yaloj ta mandar te Jehová te ma hichuc ya sc'an pasele, aunque ma ba sna'oj a, ha stahoj falta soc scuchoj smul ya xhil.

San Juan 15:22

Te manchuc talucon soc te manchuc la jc'oponic, mayuc smulic te hichuque; pero ta ora ini, ma xwehtix bin ya yalic yu'un te smulique.

San Mateo 13:12

como mach'ayuc a te ay bin ay yu'un, ya x'a'bot xan yan, hich me ay xan yan yu'un a. Pero te mach'a mayuc bin ay yu'un, ya me yich' pojbeyel te bin ay to nix yu'une.

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

Hechos 17:30

Ta namey mayuc ta cuenta yu'un Dios te bin ut'il ma ba la sna'ic q'uinal, pero yo'tic yaquix spasbel ta mandar spisil ants-winiquetic ta bayuc te ac'a suhtes yo'tanic;

1 Timoteo 1:11

hich ya yal te t'ujbil lec yach'il c'op yu'un te Dios te bayel yutsil, te ha a'bilon ta jcuentahe.

San Lucas 16:2

Ha yu'un la yic' tal, hich la sjoc'obe: ¿Melel bal te hich ay ta halel ac'oblal ya ca'iy? Ac'ahix cuenta te bintic ay ta acuenta scanantayel, como ma xhu' ya xhilatix ta jcanan-biluc cu'un, la yut.

1 Timoteo 6:20

Timoteo, canantaya te bin a'bilat acuentahin; ma xawac' aba a te banti yac ta halel howilc'opetic te mayuc scuentahil soc te banti yac ta halel c'opetic cuybil ta p'ijil-c'op.

Tito 1:3

soc ta mero yorahil yu'un la yac' chicnajuc te bin la yal, ha la spas ta scuenta yalel te sc'op Dios te a'boton ta scuenta smandar te Cajwaltic Dios.

Números 15:27

Teme jtuhl nax te mach'a ma yolojuc a te stahoj smul, ya me yac' jcoht yantsilel tentsun te jun ya'bilal scuenta mahtanil yu'un mulil.

Deuteronomio 25:2

Teme ya sc'an ya yich' majel te mach'a ay smule, te juez ya ya'be spahcan sba ta lum soc ya yac' te ya yich' majel ta stojol. Ha chican bin ut'il ay te smule, hich yipal ya yich' majel.

San Lucas 12:41

Te Pedro la sjoc'obe te Jesús: Cajwal, ¿ho'otcotic nax bal jc'oblalcotic te sloc'ombahil c'op ini, o ha nix sc'oblal spisilic? xchi.

San Lucas 12:49

Tal cac' c'ahc' ta bahlumilal. Co'tanuc te hahchemix ta tihlel.

San Mateo 23:14

¡Ay me awocolic, escribanohetic, fariseohetic, jchebal-o'tanex! como yac awich'beyic sna me'ba' antsetic, soc naht yac atsahtsah-c'oponic Dios. Toyol me castigo yac awich'ic yu'un.