San Lucas 12:14 - Bible in Tzeltal Bachajón

¹⁴ Pero halbot yu'un te Jesús: Winic, ¿mach'a la ya'bon ca'tel ta juez o te ay bin ya jpucbeyex? xchi.

Nuevo Testamento Tzeltal de Amatenango

¹⁴ Te Jesuse la sjakꞌbe: —Kere, ¿meꞌn ay machꞌa yakꞌojbon kaꞌtel ta xchapel o ta xatꞌel te stutik yuꞌun atate? —xchi.

Bible in Tzeltal de Oxchuc y Tenejapa

¹⁴ Jesús la yalbey: —Winic, ¿yu'un bal ay mach'a la yac'bon cat'el ta chajbanwanej ta spuquel sbiluc te atate? —xi'.

San Lucas 12:14 Referans Kwoze

Romanos 2:3

Ha'at, winicat, te yac awich' ta c'op te mach'atic hich ya spasic, soc ha nix hich yacat ta spasel ¿acuyoj bal te ma ba yac awich' castigo yu'un Dios?

Romanos 9:20

Pero, ¿mach'ayat a te yac asut ta c'op te Diose? Te vaso pasbil ta ahch'al ¿ya bal yalbe te jpaswanej yu'un: ¿Bin yu'un te hich la apason? xchi bal?

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

Éxodo 2:14

La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.

San Juan 8:11

La sjac' te ants: Mayuc, Cajwal, xchi. Ni ho'ucon ya cac'at ta castigo. Bahan, ma me xalehix yan amul, xchi te Jesús.]

San Juan 6:15

Pero la sna' te Jesús te c'an taluc ta otsesel ta ajwalil, hich stuquel xanix suht mohel ta wits.

San Lucas 5:20

Te Jesús, c'alal la yilbe te sch'uhunel yo'tanic, la yalbe te jchamel: Winic, pasbilatix perdón yu'un amul, xchi.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

San Lucas 22:58

Jts'ihn a, ilot yu'un yan: Ha'at nix amohlol, xchi. La sjac' te Pedro: Winic, ma ho'ucon, xchi.

San Lucas 12:13

Te Jesús hich halbot yu'un jtuhl te mach'atic stsoboj sbahic: Maestro, halbeya te quermano te ac'a ya'bon j'ohliluc te bintic a'bibil hilel yu'un te jtate, xchi.