San Lucas 11:41 - Bible in Tzeltal Bachajón

⁴¹ Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Nuevo Testamento Tzeltal de Amatenango

⁴¹ Te jaꞌexe kꞌebanaik te tut kꞌejbil awuꞌunike, jich me lek sapbil spisil a te spate sok te yutile.

Bible in Tzeltal de Oxchuc y Tenejapa

⁴¹ Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 11:41 Referans Kwoze

San Lucas 12:33

Chonahic te bintic ay awu'unic, q'uebembeyahic te pobrehetique; pasa achu'uyic te ma xpoco'ubic, ayuc me c'uhlejalil ta ch'ulchan te ma xlaj, te banti ma x'och j'elec' soc te banti ma xjoch'ob.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Tito 1:15

Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

Hebreos 13:16

Soc ma me xch'ay ta awo'tanic spasel te bin lec soc te talel c'axel yac acoltay abahic, como hich yilel milbil mahtaniletic ini te lec yo'tan Dios yu'une.

Hechos 10:15

Cha'c'oponot yu'un: Te bintic lecuben sc'oblal yu'un Dios, ma xawal te ma lecuc, xchi sc'oblal.

San Lucas 16:9

Ho'on ya calbeyex, lehahic mach'atic yac ac'uxultay abahic soc ta scuenta te c'uhlejalil yu'un te bahlumilale, scuenta yu'un te c'alal ya xlaj, ya me x'ic'otat ochel te banti ya x'ayinat sbahtel q'uinal.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Proverbios 14:31

Te mach'a ya yuts'in te pobre ya yil-o'tantay te Jpaswanej yu'une, yan teme ya sc'uxultay te pobre ya yich' ta muc' te Jpaswanej.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

2 Corintios 8:12

Como teme nahil ay sc'anojel awo'tanic te yac awaq'uic te mahtanil, ay ta cuenta te bin ay awu'unic, ma ha'uc te bin mayuc awu'unique.

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

San Lucas 18:22

C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Mateo 5:42

Te mach'a ay bin ya sc'ambat, a'beya; soc te mach'a ay bin ya smajambat, ma me xamac ta c'op.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Salmos 41:1

Bayel me yutsil te mach'a ay ta yo'tan te pobre; ya xcoltayot yu'un Jehová ta yorahil wocol.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Hechos 11:29

Ha yu'un te jnopojeletic la snopic te ya sticombeyic scoltayel te yermanotac te nahinemic ta Judea, ha chican jayeb ay yu'un jujutuhl;

San Mateo 26:11

yu'un spisil ora ay ta awohlilic te pobrehetic, yan te ho'one ma spisiluc ora ya joquinex.

Hechos 24:17

C'alal c'axix ha'bil a, tal ca'be hilel smahtan te jlumal soc tal ca'be smahtan te Diose.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

San Marcos 7:19

Como ma ba ya x'och ta yo'tan, ya xc'oht ta sch'uht, patil ya xbaht ta sch'ayojibal, xchi. Te bin ut'il hich la yal te Jesús, ha la yac' ta na'el a te lec spisil ta chahp we'elil.