San Lucas 11:26 - Bible in Tzeltal Bachajón

²⁶ Ha yu'un ya yic' talel huqueb xan pucujetic te c'ax hich schopolilic a; ya x'ochic ta nahinel tey a, soc c'ax hich ya xbohlob a te winic te bin ut'il ay ta nahil to, xchi.

Nuevo Testamento Tzeltal de Amatenango

²⁶ Jich ya xba sle xan tal jukeb xan sjoy te mas pewor te tutꞌil ay stukele. Y spisilik ya xꞌoch snaimbeyik yoꞌtan te gentee. Mas pewor ya sujt te gentee ke te tutꞌil ay te nail toe —xchi te Jesuse.

Bible in Tzeltal de Oxchuc y Tenejapa

²⁶ Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbeyic yo'tan te ants-winique. C'ax to xan jich ya xbolob a te bit'il ay ta neelale —xi' te Jesuse.

San Lucas 11:26 Referans Kwoze

San Juan 5:14

Ta patil, te Jesús la sta ta Templo te winique, hich la yalbe: Ilawil, lecubatix ta chamel; ma me xalehix xan amul scuenta yu'un ma ba c'ax hich ya xc'ax xan awocol a, xchi sc'oblal.

San Mateo 12:45

Ha yu'un ya xbaht yic' talel huqueb xan chopol espírituhetic te c'ax hich schopolilic a, ya x'ochic soc tey ya xnahinic a; c'ax hich chopol ya xc'oht a te winic te bin ut'il ay ta nahil to. Ha nix hich ya xc'oht te jcaj ts'umbalil ini, xchi te Jesús.

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

San Mateo 23:15

¡Ay me awocolic, escribanohetic, fariseohetic, jchebal-o'tanex! como yac abehentayic mar soc q'uinal ta slehel mach'a yac awa'be sch'uhunic Dios ta ac'opic, soc teme la sch'uhunic, cheb buelta c'ax hich nich'anil yu'un infierno ya xc'oht awu'unic a te bin ut'il te ha'exe.

San Lucas 11:25

C'alal ya xc'oht tey a, buen mesbil soc chahpambil ya xc'oht sta.

San Lucas 11:27

Te c'alal hich yac yalbel a te Jesús, ay jtuhl ants ta yohlil te ants-winiquetic te hahch ta c'op, hich la yal: Bayel yutsil te ants la yalatayat soc te la schu'untesat, xchi.