San Lucas 11:20 - Bible in Tzeltal Bachajón

²⁰ Pero teme ta scuenta yal-sc'ab Dios te ya jloq'ues pucujetic, yu'un nix hulemix ta atojolic a te cuentahinel yu'un Dios.

Nuevo Testamento Tzeltal de Amatenango

²⁰ Pero te ya jlokꞌes te pukujetike, jaꞌ nax ta skuenta spoder te Diose. Jich chikanix ta jamal a te ayix ta ajwalil ta awolilik te Diose.

Bible in Tzeltal de Oxchuc y Tenejapa

²⁰ Ja'uc me to, ja' nax ta swenta yu'el Dios te yacon ta sloq'uesel te pucujetique. Tey chicanix ta jamal te ayix ta ajwalinel ta awolilic te Diose.

San Lucas 11:20 Referans Kwoze

Éxodo 8:19

Ha yu'un te j'ilojeletic hich la yalbeyic te faraón: Ha'ix te yal sc'ab Dios ini, xchihic. Pero te faraón tulanub yo'tan, ma ba la ya'iybe sc'opic, hich te bin ut'il la yal te Jehová.

San Mateo 12:28

Yan teme ta scuenta te Espíritu yu'un Dios ya jloq'ues pucujetic, yu'un nix ha hulix ta atojolic te cuentahinel yu'un te Diose,

San Lucas 10:9

Soc lecubtesahic te jchameletic te tey ayic a, soc hich xawalbeyic: Nopol ayix ta atojolic te cuentahinel yu'un Dios, xchihanic me.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Lucas 10:11

¡Te slumil te pueblo awu'unic te slap'oj sba ta coccotic, ya jlihlincotic ta acontrahic! Pero na'ahic te nopolix ay ta atojolic te cuentahinel yu'un Dios, xchihanic me.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

2 Tesalonicenses 1:5

Ha ini ya yac' ta ilel te stojil chahpanel yu'un te Dios, te ha stojil te ya x'ochex ta cuentahinel yu'un Dios, te ha nix yac ta c'axel awocolic yu'une.

Hechos 20:25

Yo'tic jna'oj te mayuc bin ora yac awilbonic xan jsit ta apisilic, ha'ex te behenemon ta awohlilic ta yalbeyel sc'oblal te cuentahinel yu'un Dios.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

San Lucas 11:21

Te jtuhl winic te ay yip soc chapal ta ya'tejib, c'alal ya scanantay sna ma xbaht ta elc'anel te sbiluque.