San Lucas 10:37 - Bible in Tzeltal Bachajón

³⁷ Ha te mach'a c'uxultayot yu'un, xchi te winique. Hich halbot yu'un te Jesús: Bahan, hich me xapas te ha'ate, xchi.

Nuevo Testamento Tzeltal de Amatenango

³⁷ Te maestro yuꞌun te mantaliletike la sjakꞌ: —Jaꞌ te machꞌa la skꞌuxutaye —xchi. Te Jesuse la yalbe te maestroe: —Baan, jich me xba apas euk te jaꞌate —xyut.

Bible in Tzeltal de Oxchuc y Tenejapa

³⁷ Te maestro yu'un te mandalile jich la yal: —Ja' te mach'a la xc'uxtaye —xi'. Te Jesús la yalbey te maestroe: —Jich me xba apas uuc te ja'ate —xi'.

San Lucas 10:37 Referans Kwoze

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

1 Pedro 2:21

Ha scuentahil te ic'bilex, como ha nix hich c'ax swocol te Cristo ta acuentahic, hich la ya'beyex hilel anopic yu'un hich yac at'unic bahel.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Oseas 6:6

Como ha ya jc'an c'uxul-o'tanil, ma ha'uc chic'bil mahtanil, c'ax hich ya jc'an te yac ana'be sba Dios te bin ut'il scohtol chic'bil mahtaniletic.

Proverbios 14:21

Ha stahoj smul te mach'a ya sp'aj te spat-xuhc, pero bayel yutsil te mach'a ya sc'uxultay te pobre.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Lucas 10:36

Ta yoxebalic, ¿mach'a yac awa'iy a te ha spat-xuhc c'oht te mach'a tsacot yu'un te j'eleq'uetique? xchi.

San Lucas 10:38

C'alal yac ta behel a te Jesús, c'oht ta tut pueblo; ay jtuhl ants, Marta sbihil, ic'ot ochel ta sna yu'un.