San Lucas 10:33 - Bible in Tzeltal Bachajón

³³ Pero ay jtuhl samaritano te yac ta bahel ta be, c'oht ta banti ay te winique, te c'alal la yil, la sna'be yo'bolil sba.

Nuevo Testamento Tzeltal de Amatenango

³³ Pero ay jtul samaria-winik teꞌetal ekꞌa ba bee. Kꞌux a yil te winike, la snaꞌbe yoꞌolil sba.

Bible in Tzeltal de Oxchuc y Tenejapa

³³ Ja'uc me to, ay tal jtul Samaria-winic te yac ta beel tel ta be uuc. Te c'alal la yil te winique, la sna'bey yo'bolil sba.

San Lucas 10:33 Referans Kwoze

1 Reyes 8:50

Soc pasbeya perdón te pueblo awu'un te la sta smul ta atojol, soc spisil te sc'axun mandar te la stoy sbahic ta atojol, ac'a ta c'uxultayel yu'un te mach'atic ic'otic bahel ta chuquel yu'un;

San Lucas 7:13

Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

Proverbios 27:10

Ma me xapihtes aba soc awamigo o te yamigo te atate; soc ma me xbahat ta sna awermano te bin ora ay awocol, ha lec xan te apat-axuhc te nopol ay te bin ut'il awermano te namal aye.

San Mateo 18:33

¿Ma bal hichuc la sc'an te la ac'uxultay te amohlol ta a'batil hich te bin ut'il la jc'uxultayat te ha'ate? la yut.

San Mateo 10:5

Te Jesús la sticonlan bahel te lahchaytuhl, hich la snohpteslan bahel: Ma me xbahex ta sq'uinal jyanlumetic soc ma me x'ochex bahel ta slumal samaritanohetic,

San Juan 8:48

La sjaq'uic te judíohetique: ¿Ma bal hichuc la jcalcotic te ha'at samaritanohat soc te ay pucuj ta awo'tan? xchihic.

San Juan 4:9

La sjac' te Samaritana-ants: ¿Bin yu'un te ha'at judío-winicat yac ac'ambon awuch' ha' te samaritana-antson? xchi. (Como te judíohetic ma ba ya sc'opon sbahic soc te samaritanohetique.)

Éxodo 2:6

Te c'alal la sjam te moch, la yil te tut querem yac ta oq'uel. La sna'be yo'bolil sba, hich la yal: Ha yu'un te hebreohetic te tut alal ini, xchi.

San Lucas 10:32

Ha nix hich jtuhl levita, c'alal c'oht tey a soc la yil, la sjoybetay.

San Lucas 10:34

Nohpoj bahel, la spoxtaybe yehchen ta aceite soc ta vino, la spotsbe, la smohtes ta burro yu'un, la yic' bahel ta wayinajibal na soc la scanantay.