San Lucas 10:29 - Bible in Tzeltal Bachajón

²⁹ Pero la sc'an te lec sc'oblal ya xc'oht, ha yu'un la sjoc'obe te Jesús: ¿Mach'a a te jpat-xuhque? xchi.

Nuevo Testamento Tzeltal de Amatenango

²⁹ Te maestro yuꞌun te mantaliletike ma skꞌan teme maꞌyuk skꞌoplal ya xkꞌot te tuti sjojkꞌoye. La sjojkꞌobe xan te Jesuse: —¿Machꞌa a te joy ta genteil te ya yale? —xchi.

Bible in Tzeltal de Oxchuc y Tenejapa

²⁹ Te maestro yu'un te mandalile, ma la sc'an teme ma'yuc sc'oplal ya xc'ot te bila la sjojc'oye. Jich la sjojc'o xan: —¿Mach'a a te jpat-jxujq'ue? —xi'.

San Lucas 10:29 Referans Kwoze

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

Gálatas 3:11

Jamal chican te mayuc mach'a toj ya x'ilot yu'un Dios ta scuenta te Ley, como ya yal: Te mach'a toj yo'tan ya xcuxaj ta scuenta sch'uhunel yo'tan, xchi.

Romanos 4:2

Te ha'uc halbil te toj ay te Abraham ta scuenta te ya'tel, ay bin ya stoy sba yu'un te hichuque, pero ma xhu' te hich ya spas ta stojol te Diose;

Levítico 19:34

Hichuc me ta awo'tanic te bin ut'il alumal te jyanlum te ya xnahin ta awohlilic, c'ux me xawa'iy ta awo'tanic hich te bin ut'il c'ux yac awa'iy aba, como hich nix jyanlum ayinex ta sq'uinal Egipto. Ho'on, Jehovahon, te Dioson awu'unique.

Romanos 10:3

Ma ba sna'ojic bin ut'il Dios ya yac' te toj ayic, ha la slehic bin ut'il ya stahic stuquelic, hich ma ba la yac' yo'tanic a te bin ut'il Dios ya yac' te toj ayic,

San Lucas 10:36

Ta yoxebalic, ¿mach'a yac awa'iy a te ha spat-xuhc c'oht te mach'a tsacot yu'un te j'eleq'uetique? xchi.

Santiago 2:24

Ha yu'un yac awilic te toj ya x'ilot yu'un Dios te ants-winic ta scuenta te ya'tel, ma ha'uc nax ta scuenta sch'uhunel yo'tan.

Job 32:2

Pero te Eliú snich'an Baraquel, te talem ta Buz, te ha sts'umbal Ram, bayel ilin ta stojol Job ta scaj te la scuy sba ta toj, ma ha'uc la yal te ha toj te Diose.

San Marcos 8:34

Te Jesús la yic' tal te ants-winiquetic soc te jnopojeletic yu'une, hich la yalbe ya'iyic: Teme ay mach'a ya sc'an ya st'unon, ac'a sloq'ues sba ta yo'tan, ac'a scuch te cruz yu'un soc ac'a st'unon.