San Lucas 10:28 - Bible in Tzeltal Bachajón28 Lec la ana' yalel, xchi te Jesús; pasa ini, hich me ya xcuxajat, xchi. Gade chapit laNuevo Testamento Tzeltal de Amatenango28 Te Jesuse la yalbe: —Lek la anaꞌ sujtesel. Teme jich ya apas to, ya me ata akuxlejal sbajtel kꞌinal —xchi. Gade chapit laBible in Tzeltal de Oxchuc y Tenejapa28 La yal te Jesuse: —La ana' sujt'esel ya caiy. Jich me xba apas. Jich me ya xcuxinat sbajt'el q'uinal —xi'. Gade chapit la |
La atsitsticlan te yacuc suhtic xan ta stojol te Ley awu'une; pero bayel la stoy sbahic, ma ba la yich'ic ta cuenta te mandariletic awu'un, la sta smulic ta stojol te bintic halbil awu'un, te ha ya ya'be scuxlejal te mach'atic ya sch'uhunic spasel. La swalac'patiyic scuenta toybahil, tulan la yac' sbahic, ma ba la sc'an la ya'iyic.
Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.
Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.