San Lucas 10:2 - Bible in Tzeltal Bachajón

² Hich la yalticlambe bahel: Bayel te sit awal-ts'unubil, pero mayuc tsobol te j'a'teletique. Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel.

Nuevo Testamento Tzeltal de Amatenango

² Jich a yaltalanbe: —Bayal te kꞌajoje. Yan te jꞌaꞌteletike maꞌyuk bayal. Jaꞌ yuꞌun, kꞌambeyaik te yajwal kꞌajoje te yauk stikon jꞌaꞌteletik ta kꞌajoje.

Bible in Tzeltal de Oxchuc y Tenejapa

² Jich la yalbey yaiyic: —Bayal me te c'ajoje. Yan te j'at'eletique, ma'yuc bayalic. Jich yu'un, albeyaic wocol te yajwal at'el te ya sticun ta at'el te j'at'eletique.

San Lucas 10:2 Referans Kwoze

1 Tesalonicenses 5:12

Ya calbeyexcotic wocol, quermanotac, ich'ahic ta cuenta te mach'atic yacalic ta a'tel ta awohlilic, te ya scuentahinex ta scuenta Cajwaltic soc te ya stsitsexe.

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

2 Timoteo 4:5

Yan te ha'ate, na'a me stsahtayel spisil, cuhchuc me awu'un awocol, puca bahel te lec yach'il c'op, hu'tesa spisil te awa'tele.

2 Tesalonicenses 3:1

Ta slajibal, quermanotac, c'opombotic Dios scuenta yu'un yacuc xpuhc xan ta lec te sc'op Cajwaltic soc yacuc x'ich'ot ta muc', hich te bin ut'il c'ohemix ta pasel ta awohlilic,

San Marcos 13:34

Hich c'ohem te bin ut'il jtuhl winic te baht ta namal, la yihquitay hilel sna, la ya'be hilel ya'tel te a'batetic yu'un, jujutuhl te bin ya spasic, soc la yalbe te jcanan-ti'nahil te ya me swic'sitay sba.

1 Timoteo 4:10

Ha scuentahil te ya x'a'tejotic soc ya ca'betic yipal, como ha smuc'ulinej co'tantic te cuxul Dios, te ha Jcoltaywanej yu'un spisil ants-winiquetic, pero ha mero Jcoltaywanej yu'un te mach'atic ya sch'uhunique.

Hechos 22:21

Pero la yalbon: Bahan, como namal ya jticonat bahel ta stojol te jyanlumetic, la yuton, xchi te Pablo.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 13:4

Hich baht schebalic, ticombilic bahel yu'un te Ch'ul Espíritu, cohic bahel ta Seleucia, tey ochic ta barco a bahtic ta Chipre.

Hechos 13:2

Te c'alal ayic ta yich'el ta muc' Cajwaltic soc scomoj swe'elic a, hich halbotic yu'un te Ch'ul Espíritu: A'bonic ta jcuenta te Bernabé soc Saulo yu'un spasel te a'tel te ha tsahbilic cu'un ta spasel, xchi.

Hechos 11:19

Te mach'atic laj puhquemic bahel ta scaj te uts'inel te hahch ta scuenta Esteban, ay c'ohtic ta Fenicia, Chipre soc Antioquía, mayuc mach'a yan la yalbeyic te lec yach'il c'op, ha nax te judíohetique.

Hechos 8:4

Pero te mach'atic puhquic bahel la yalic te lec yach'il c'op ta bayuc banti bahtic.

San Lucas 9:1

Te Jesús, c'alal la stsob tal te lahchaytuhl jnopojeletic yu'un, la yac'ticlambe yu'el soc ya'telic ta sloq'uesel pucujetic soc ta slahmajtesel chameletic.

San Marcos 16:20

Hich te jnopojeletic loq'uic bahel ta spuquel ta bayuc te lec yach'il c'op, soc te Cajwaltic yac scoltaybel soc yac yac'bel ta na'el te ha smelelil te sc'op, ta scuenta te señahetic te joquimbilic yu'un. Hichuc.

San Mateo 20:1

Te cuentahinel yu'un te ch'ulchan hich c'ohem te bin ut'il jtuhl yajwal q'uinal te loc' bahel ta sab ta slehel j'a'teletic yu'un sts'usubil.

Zacarías 11:17

¡Ay me swocol te jcanan te ma xtuhun, te ya yihquitay hilel te tuminchijetique! ¡Ac'a yich' ehchentesbeyel sc'ab ta espada, soc te swa'el sit! ¡Ac'a taquijuc te sc'ab, soc jc'axel ac'a tup'uc te swa'el sit! xchi te Jehová.

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Filipenses 2:25

Pero la jnop te ay sc'oblal te ya jticombeyex suhtel te quermano Epafrodito, te jmohlol ta a'tel soc jmohlol ta soldadohil, te ticombil awu'unic yu'un ya scoltayon.

Filipenses 2:21

Como spisilic ya slehic bin ya sc'an yo'tanic stuquelic, ma ha'uc te bin ya sc'an yo'tan te Cristo Jesús.

1 Corintios 12:28

Ta iglesia, Dios la yac' nahil jpuc-c'opetic, schebal jalwanejetic, yoxebal jp'ijubteswanejetic, patil te mach'atic ya spasic jchahp a'teliletic, patil te mach'atic ya slahmajtes jchameletic, mach'atic ya xcoltaywanic, mach'atic ya xcuentahinwanic, mach'atic ay smahtan ya xc'opojic ta yan c'opiletic.

Números 11:17

Ya xcohon tal soc ya jc'oponat tey a; ya quich'bat j'ohliluc te espíritu awich'oj, ya ca'be te mamaletic, hich ya scoltayat ta scuchel te pueblo te al ta cuchel, scuenta yu'un ma atuqueluc yac acuch a.

Colosenses 1:29

Ha scuentahil te ya x'a'tejon, ya cac' fuersa ta scuenta yu'el stuquel, te tulan yac ta a'tel ta jtojol.

Filipenses 2:30

como ta scuenta te ya'tel te Cristo jteb ma ba cham yu'un, c'an yac' scuxlejal ta shu'tesel te banti ma ba hu' awu'unic acoltaybelonique.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

1 Tesalonicenses 2:9

Ana'ojic, quermanotac, te luhbotcotic ta a'tel; bin ut'il a'tejotcotic c'ahc'al ahc'abal scuenta yu'un mayuc mach'a ya ca'becotic swocol te c'alal la jcalbeyexcotic te lec yach'il c'op yu'un te Diose.

Colosenses 4:12

Xcoltanuquex laj yu'un te Epafras, te amohloltac nix soc ha a'bat yu'un Cristo. Spisil ora xbic'talti'ij ta sc'oponel Dios ta atojolic, te junuc awo'tanic, te ayuc yip awo'tanic soc te yacuc xc'oht ta pasel awu'unic spisil te bintic ya sc'an yo'tan te Diose.

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

Zacarías 11:5

Ya xmilotic yu'un te mach'atic ya smanic, ma muliluc ya ya'iyic. Te mach'atic ya schonic, hich ya yalic: Wocol yal Jehová, yu'un jc'ulejonix, xchihic. Ni ha'uc te jcananetic yu'unic ya sna'beyic yo'bolil sbahic.

1 Reyes 18:22

Te Elías la yalbe xan te pueblo: Ho'on xanix jtuquel hilemon ta jalwanej yu'un Jehová; yan te jalwanejetic yu'un Baal ay jbahc' soc lajuneb yoxwinic (450) stuquelic.

Números 11:29

Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

Filemón 1:1

Pablo, te ayon ta chuquel ta scuenta Jesucristo, soc te quermanotic Timoteo, ta stojol Filemón, te c'uxat ta co'tan soc te jmohlol jbahtic ta a'tel,

Salmos 68:11

Ay bin la yal te Jehová, tsobol antsetic la spucbeyic ta halel:

Apocalipsis 2:1

Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro: