San Lucas 1:8 - Bible in Tzeltal Bachajón

⁸ Te c'alal ay ta a'tel ta sacerdotehil ta stojol Dios a te Zacarías soc te jchahp smohlol ta a'tel,

Nuevo Testamento Tzeltal de Amatenango

⁸ Ay jun kꞌaal la sta sturno ta abatinel ta stojol Dios te ba templo te Zacarias sok te jtijkꞌ saserdoteetik yuꞌune.

Bible in Tzeltal de Oxchuc y Tenejapa

⁸ Jich c'ot ta pasel te c'alal ja' talemic ta abatinel ta stojol Dios ta bay templo soc sjo'tac ta sacerdoteil a te Zacariase.

San Lucas 1:8 Referans Kwoze

2 Crónicas 8:14

Soc la schahpan bin ut'il ya sjel sbahic te sacerdotehetic yu'un ya spasic ya'telic, hich te bin ut'il la yal mandar te David te state, ha nix hich te levitahetic te ay ta scuentahic yalbeyel wocol te Dios soc scoltayel te sacerdotehetic te bintic ya sc'an pasel jujun c'ahc'al; soc la schahpan te jcanan-ti'nahiletic yu'un te jujun ti'nahil, como hich yaloj ta mandar te David te winic yu'un Dios.

1 Crónicas 24:19

Hich la yich'ic chahpanel yu'un te ya'telic, scuenta yu'un ya x'ochic ta sna Jehová, hich te bin ut'il halbotic ta mandar yu'un Aarón te static, te hich halbot ta mandar yu'un Jehová, te Dios yu'un Israel.

2 Crónicas 31:2

Te Ezequías la schahpan te sacerdotehetic soc te levitahetic bin ut'il ya sjel sbahic ta a'tel, ha chican bin ya'telic jujutuhl, ta yaq'uel scohtol chic'bil mahtaniletic soc milbil mahtanil scuenta lamal q'uinal, ta spasel ya'telic ta puertahetic yu'un te amaq'uetic yu'un Jehová, ta yalbeyel wocol soc ta sc'ayojtaybeyel yutsil sc'oblal.

San Lucas 1:5

Te bin ora ay ta ajwalil yu'un Judea a te Herodes ay jtuhl sacerdote Zacarías sbihil te ha yu'un te jchahp yu'un Abías; te yihnam ha nix sts'umbal Aarón, Elisabet sbihil.

Esdras 6:18

La schahpanic te sacerdotehetic te ya sjelticlan sbahic ta chahpalchahp, soc te levitahetic ta chahpalchahp yu'un ya spasic ya'telic ta stojol Dios ta Jerusalén, hich te bin ut'il ts'ihbabil ta libro yu'un Moisés.

2 Crónicas 31:19

Ha nix hich te sacerdotehetic, te snich'nab Aarón, te nahinemic ta q'uinal ta sjoyobal te pueblohetic o ta yohlil te pueblohetic, ay winiquetic te a'bot ya'telic ta spucbeyel te bintic ay ta scuenta ya yich'ic te winiquetic te ayic ta sacerdotehil, soc spisil te levitahetic te ts'ihbabil hilel sbihilic.

2 Crónicas 11:14

Te levitahetic la yihquitayic te sq'uinalic soc te bintic ay yu'unic, talic ta Judá soc Jerusalén, como te Jeroboam soc te snich'nab la sloq'uesic ta ya'tel ta sacerdotehil yu'un Jehová.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Éxodo 30:30

Ya me amal ta aceite te Aarón soc te snich'nab, a'beya yich' ya'telic scuenta yu'un sacerdotehetic cu'un ya xc'ohtic.

Éxodo 29:44

Ya jch'ultes te Nahilpac' Templo yu'un tahojibal soc te scajtajib ta chiq'uel mahtanil; soc ya jch'ultes Aarón soc te snich'nab scuenta yu'un ha sacerdotehetic ya xc'ohtic cu'un.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Éxodo 29:1

Hich me yac apasbe yu'un ya yich'ic ch'ultesel, scuenta yu'un sacerdotehetic ya xc'ohtic cu'un: Tsaca jcoht jcolel toro soc cha'coht tat tuminchij te mayuc bin jihnem yu'unique,

Éxodo 28:41

Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

Éxodo 28:1

Ac'a taluc ta atojol te abanquil Aarón soc snich'nab scuenta yu'un ha sacerdotehetic ya xc'ohtic cu'un ta yohlil te snich'nab Israel; te Aarón soc snich'nab, ha te Nadab, Abiú, Eleazar soc Itamar.

1 Crónicas 24:2

Te bin ut'il ha nahil lajic te Nadab soc Abiú, patil cham te static, mayuc hil snich'nabic; ha yu'un te Eleazar soc te Itamar, hilic ta sacerdotehil.

San Lucas 1:7

Pero mayuc yal-snich'anic, como ma x'alaj te Elisabet, soc ta schebalic ayix ya'bilalic.