San Lucas 1:76 - Bible in Tzeltal Bachajón

⁷⁶ Ha'at, alal, jalwanejat yu'un te Mach'a mero toyol ay, ya xc'oht abihil; yu'un ya me xnahilijat ta stojol te Cajwaltic yu'un yac achahpambe te behetic yu'une,

Nuevo Testamento Tzeltal de Amatenango

⁷⁶ I te jaꞌate, jchꞌin-nichꞌan, jꞌalwanej ya xkꞌoat yuꞌun te Chꞌul Dios te ay ta chꞌulchane. Ya me xnalajat bael ta xchapbeyel sbe te Kajwaltike.

Bible in Tzeltal de Oxchuc y Tenejapa

⁷⁶ In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Lucas 1:76 Referans Kwoze

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

San Juan 1:23

La sjac' te Juan: Ho'on te sc'op mach'a hich ya x'awon ta jochol taquin q'uinal: Tojobtesbeya sbe te Cajwaltic, hich te bin ut'il la yal te jalwanej Isaías, xchi.

San Mateo 14:5

Te Herodes ya c'an yac' ta milel te Juan, pero ha xi'oj te pueblo, como sch'uhunejic te ha jalwanej te Juan.

San Mateo 3:3

Ha nix te mach'a halbot sc'oblal yu'un te jalwanej Isaías: Ha sc'op te mach'a hich ya x'awon ta jochol taquin q'uinal: ¡Chahpambeyahic sbe te Cajwaltic, tojobtesbeyahic te behetic yu'une! xchi.

Hechos 16:17

Te ach'ix la stahp'an sba ta jpatcotic soc te Pablo, tulan ya ta alel: ¡Te winiquetic ini ha a'batetic yu'un te Dios te mero toyol ay! Ha ya yalbeyex awa'iyic te sbehlal te colele, xchi ta aw.

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Lucas 1:32

Muc' sc'oblal ya xc'oht, soc ya x'a'bot sbihilin Snich'an te Mach'a ay ta toyol. Te Cajwaltic Dios ya me ya'be sjelolin ta ajwalil te David te state.

San Marcos 11:32

Yan teme ya caltic: Yu'un winiquetic, teme xchihotique... Pero la xi'ic te pueblo, como spisilic sch'uhunejic te ha jalwanej ta melel te Juan.

San Juan 3:28

Ha'ex nix testigohex cu'un te hich la jcal: Ma ho'ucon te Cristohon, ho'on ticombilon tal ta nahil yu'un, te xchihone.

San Juan 1:27

Ha me te mach'a patil ya xtal cu'un, te ma xtuhunon yu'un stilbeyel sc'ab step stuquel, xchi.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Mateo 21:26

Teme ya caltic: Talem ta stojol ants-winic, teme xchihotic, ya jxi'tic te jlumaltic, como spisil sch'uhunejic te ha jalwanej te Juan, xchihic.

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Malaquías 4:5

Ilawil, ya jticombeyex te jalwanej Elías te c'alal ma to xc'oht a te sc'ahc'alel yu'un Jehová, te ha muc' soc xiweltic sba.

Salmos 87:5

Hich ya xhalbot sc'oblal te Sión: Ha ini soc te yane ayinemic tey a, xchi sc'oblal. Ha nix te Mach'a toyol ay ya me ya'be yich' yip.