San Lucas 1:69 - Bible in Tzeltal Bachajón

⁶⁹ Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

Nuevo Testamento Tzeltal de Amatenango

⁶⁹ La stikombotik tal jkoltawane te ay spodere te jaꞌ stsꞌumbal te jDavid te yaj-aꞌtele.

Bible in Tzeltal de Oxchuc y Tenejapa

⁶⁹ La sticunbotic Jcoltaywanej te bayal yu'ele, te ja' sts'umbal David te abat yu'une.

San Lucas 1:69 Referans Kwoze

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Ezequiel 29:21

Ta hich ora ya cac' ach'ubuc te yip te sna Israel soc ya cac' jahmuc awe ta yohlilic. Ya me sna'ic te ho'on Jehovahon, xchi.

2 Samuel 22:3

ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

Salmos 89:17

como ha'at yutsilalat te yipique, ta scuenta te yutsil awo'tan ya xtohy te quipcotique.

1 Samuel 2:1

Te Ana la sc'opon Dios, hich la yal: Mero tse'el co'tan ta stojol Jehová, ya quich' xan quip ta scuenta Jehová; ta que ya jtse'lay te jcontratac, como tse'el co'tan yu'un te la acoltayon.

San Marcos 11:10

¡Bayel yutsil te cuentahinel yu'un te jtatic David te yac ta talele! ¡Hosana ta stoyolil ch'ulchan! xchihic ta aw.

Apocalipsis 22:16

Ho'on Jesuson, jticonej tal te ch'ul a'bat cu'un scuenta yu'un ya yalbe te iglesiahetic ha'i testigo-c'op ini. Ho'on slohp'on soc sts'umbalon David, ho'on te jsacubel ec', xchi.

Amós 9:11

Ta hich ora ya jcha'hach te snahilpac' David te yahleme. Ya jmacbe te banti jamajtic, ya jcha'pas xan banti jihnem, hich ya jcha'pas xan te bin ut'il ta nahil to,

San Mateo 1:1

Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham.

Salmos 89:3

La awal: La jchahp c'op soc mach'a tsahbil cu'un, hich jamal la jcalbe te David te a'bat cu'un:

1 Reyes 11:13

Pero ma spisiluc ya jloq'uesbe ban c'alal smacoj ta ajwalil, ya ca'be jchahp nax, ta scaj sc'uxul ta co'tan te David te a'bat cu'un, soc ta scaj sc'uxul co'tan te Jerusalén te stsahbil cu'un, xchi sc'oblal.

2 Samuel 7:26

Ac'a ich'otuc ta muc' ta sbahtel q'uinal te abihil, te hich ya yich' halel: Te Jehová te scuentahinej spisil, ha te Dios yu'un Israel, te xchihe. Soc te sts'umbal te awa'bat David ac'a yich'ic yip ta atojol.

Jeremías 30:9

Ya me yac' sbahic ta a'batinel yu'un Jehová, te Dios yu'unic, soc ta stojol David te ajwalil yu'unic, te ya jchicnajtesbe.