San Lucas 1:68 - Bible in Tzeltal Bachajón

⁶⁸ Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

Nuevo Testamento Tzeltal de Amatenango

⁶⁸ Ben tsaꞌam slekil te Kajwaltik Dios yuꞌun te Israele. Yuꞌun tal slebotik jkoleltik joꞌotik te jtejklumotik yuꞌune.

Bible in Tzeltal de Oxchuc y Tenejapa

⁶⁸ —Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

San Lucas 1:68 Referans Kwoze

Salmos 106:48

Bayel me yutsil te Jehová, te Dios yu'un Israel, ta spisil ora ta sbahtel q'uinal. Hich ac'a yal spisil te pueblo: ¡Hichuc! ¡Aleluya!

San Lucas 7:16

Spisil xiwic yu'un soc la yalbeyic bayel yutsilal te Diose, hich la yalic: ¡Chicnajix muc'ul jalwanej ta cohliltic! soc: ¡Dios tal scoltay te pueblo yu'un! xchihic.

Salmos 41:13

¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

1 Reyes 1:48

soc hich la yal: Bayel yutsil te Jehová te Dios yu'un Israel, te yo'tic la ya'bonix quil mach'a ya xhuhcaj ta huctajibal cu'un, xchi.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

San Lucas 2:38

Ha yorahil a te c'oht te Ana, hahch yalbe bayel wocol te Diose, soc la yalticlambe sc'oblal te alal spisil te mach'atic yac smahliybelic te colel yu'un Jerusalén.

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

1 Crónicas 29:20

Patil te David hich la yalbe spisil te pueblo: Halbeyahic yutsilal te Jehová te Dios awu'unic, xchi. Ha yu'un spisil te pueblo la yalbeyic yutsilal te Jehová te Dios yu'un te sme'static, la squejan sbahic ta stojol te Jehová soc ta stojol te ajwalil.

1 Crónicas 29:10

Te David la yalbe yutsil sc'oblal te Jehová ta stojol spisil te pueblo, hich la yal: Bayel me awutsilal atuquel, Jehová, Diosat yu'un te jtatcotic Israel, ta shahchibal talel c'alal ta sbahtel q'uinal.

Génesis 14:20

soc bayeluc me yutsil sc'oblal te Dios te mero toyol ay, te la ya'batix ta ac'ab te acontratac, xchi. Te Abram la ya'be smahtanin te Melquisedec jun ta slajunebal spisil te sbiluque.

Génesis 9:26

Soc la yal xan: ¡Te Jehová te Dios cu'un, ac'a ya'be bendición te Sem, yan te Canaán ha ya'bat ac'a c'ohtuc!

San Lucas 19:44

ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

Génesis 24:27

hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

1 Samuel 25:32

Te David hich la yalbe te Abigail: Bayel me yutsil te Jehová te Dios yu'un Israel te la sticonat tal atahbelon ta be yo'tic.

1 Reyes 8:15

Hich la yal: Bayel me yutsil te Jehová, te Dios yu'un Israel te ha nix la yac' c'ohtuc ta pasel te bin la yalbe ta jamal te jtat David, te hich la yal:

Salmos 130:8

Ha me ya yac' ta libre Israel yu'un spisil smul. C'ayoj yu'un mohel bahel ta Jerusalén; yu'un David.

San Lucas 1:71

ya scoltayotic loq'uel ta sc'ab te jcontratic, soc ta sc'ab te mach'atic ya yil-o'tantayotic;

San Lucas 24:21

Pero te ho'otcotic smuc'ulinej co'tancotic te ha te mach'a ya yac' ta libre te Israel. Pero ma ha'uc nax ini, ha yoxebalix c'ahc'al a te hich c'oht ta pasel.

Hebreos 9:12

Ma ba och ta scuenta sch'ich'el tat tentsunetic o jcolel wacaxetic, ha och ta scuenta sch'ich'el nix stuquel, och bahel junax buelta ta Mero Ch'ul Awilal, te bin ut'il wehtemix yu'un te colel scuenta sbahtel q'uinal.