San Lucas 1:49 - Bible in Tzeltal Bachajón

⁴⁹ como muc' bin la spasbon te Mach'a bayel yu'el. ¡Ch'ultesbil te sbihile,

Nuevo Testamento Tzeltal de Amatenango

⁴⁹ Porke te Dios te spisil ya xjuꞌ yuꞌune mukꞌ te tutik yakꞌojbone. Chꞌul Dios sbiil stukel.

Bible in Tzeltal de Oxchuc y Tenejapa

⁴⁹ melel muc' te bila yac'ojbon te Diose te ay yu'el stuquele. Ch'ul Dios sbiil stuquel.

San Lucas 1:49 Referans Kwoze

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Salmos 99:3

¡Ac'a yalbeyic yutsil sc'oblal abihil te ha muc' soc te ha ay ta xi'el! ¡Ha Ch'ul Dios stuquel!

Jeremías 10:6

Mayuc mach'a pajalat soc, Jehová, muc'at atuquel, soc ay bayel yu'el te abihile.

Efesios 3:20

Te Mach'a te ha ta scuenta yu'el te c'ax hich ya xhu' yu'un spasel ta jtojoltic a te bin ya jc'ambetic o te ya xtal ta co'tantic,

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Salmos 99:9

Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

San Marcos 5:13

Ora ac'otic bahel yu'un te Jesús. Hich loq'uic te bohl espírituhetic, ochic ta yo'tan te chitametic, ay wan ho'bahc' (2,000) ta coht. La sch'ojticlan cohel sbahic ta shehmelul q'uinal ta mar, tey la sjiq'uic ha' a.

Isaías 1:24

Ha yu'un hich ya yal te Cajwaltic, te Jehová te scuentahinej spisil, te Mach'a Tulan yu'un Israel: ¡Tiq'uix a! ¡Ya ca'be stoj te jcontratac, ya ca'be spacol te mach'atic ya scontrahinonic!

Salmos 24:8

¿Mach'a a te Ajwalil te ay yutsilal? Ha te Jehová te ay yip soc te ay yu'el, ha te Jehová te ay yip ta guerra.

Isaías 63:1

¿Mach'a a ini te yac ta talel ta Edom, ta Bosra, te slapoj tsajal cu'ul? ¿Mach'a a ini te buen t'ujbil sc'u' slapoj, te yac ta behel soc smuc'ul yip? Ho'on me, te toj ya xc'opojon, te ay cu'el ta coltaywanej.

San Lucas 1:48

como la yil te peq'uel ay te a'bat yu'une. Ta ora bahel ya me yalbonic yutsil jc'oblal spisil te cajalcaj ts'umbalil,

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!