San Lucas 1:13 - Bible in Tzeltal Bachajón

¹³ Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

Nuevo Testamento Tzeltal de Amatenango

¹³ Pero te chꞌul ángele la yal: —Zacarias, ma me xiꞌan, yuꞌun te Diose yaꞌiyojbeyatix te akꞌope. Te awinam sꞌElisabete ya mex ayin xchꞌin yal, y te xchꞌin yale Juan me ya awaꞌbe sbiilin.

Bible in Tzeltal de Oxchuc y Tenejapa

¹³ Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Lucas 1:13 Referans Kwoze

Hechos 10:31

hich la yalbon: Cornelio, Dios la ya'iybat ac'op soc na'bil yu'un te mahtanil taq'uin yac awac'.

1 Samuel 2:21

Te Jehová la sna' te Ana, hich hahch yal, ayin xan oxeb squerem-al soc cheb yantsil-al. Te querem Samuel xquechcon ta muc'ubel ta stojol Jehová.

Salmos 113:9

Ya yac' te ya xnahin ta sna te jma'al, soc te tse'el yo'tan te ay yalatac. ¡Aleluya!

Génesis 25:21

Te Isaac la sc'opombe te Jehová yu'un te yihnam te ma x'alaj. Tsacbot sc'op yu'un Jehová, hich hahch yal te Rebeca te yihnam.

San Lucas 2:21

C'alal ts'acay te waxaqueb c'ahc'al, ha te bin ora ya yich' circuncisión te alale, Jesús sbihil la ya'beyic, hich nix sbihil c'oht te bin ut'il la yal te ch'ul a'bat te c'alal ma to hahchemuc a te alale.

Salmos 118:21

Ya calbat wocol yu'un la ajac'bon te jc'ope, soc ha'at jcoltaywanejat cu'un c'ohat.

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

San Mateo 14:27

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

Daniel 10:12

Hich la yalbon: Ma xiwat, Daniel, como c'alal ta shahchibal te la anop ta awo'tan te yac ana'be scuentahil soc te la apehc'an aba ta stojol te Dios awu'un, la ya'iybat te ac'ope. Ha talon yu'un te ac'ope.

Jueces 6:23

Pero te Jehová la yalbe: Lamaluc me q'uinal xawa'iy. Ma me xiwat, ma ba ya xchamat, xchi.

Génesis 17:10

Ha ini te chapbil-c'op cu'un te yac ach'uhun spasel soc ats'umbal ta patil bahel: Spisil winiquetic ta awohlilic ya me yich'ic circuncisión.

San Lucas 1:30

Ha yu'un hich halbot yu'un te ch'ul a'bat: Ma xiwat, María, bayel yutsil yo'tan awu'un te Diose.

Isaías 8:3

Patil la joquin ta wayel te quihnam te jal-c'op ants, hahch yal, ayin squerem-al. Hich la yalbon te Jehová: A'beya sbihilin Maher-salal-hasbaz.

Oseas 1:6

Te Gomer cha'hahch xan yal, la yalatay jtuhl ach'ix. Te Jehová la yalbe te Oseas: A'beya sbihilin Lo-ruhama como ma ba ya jna'beyix xan yo'bolil sba te sna Israel, ma ba ya jpasbeyix perdón.

Oseas 1:4

Te Oseas hich halbot yu'un te Jehová: A'beya sbihilin Jezreel te alale, como nopol ya ca'be castigo te mach'atic ay yu'un Jehú ta scaj te ch'ich' la yich' malel ta Jezreel, soc ya jlajin te nación Israel.

San Marcos 16:6

Ma me xiwex, xchi; yac alebelic te Jesús talem ta Nazaret te laj ta cruz, cha'cuxajemix, ma ba li' ayixi; ilawilic te banti la yaq'uic hilel.

San Mateo 1:21

Ya x'ayin yal, soc ya me awa'be sbihilin JESÚS, como ha ya scoltay yu'un smulic te pueblo yu'un, xchi sc'oblal.

San Lucas 1:14

Bayel yutsil awo'tan soc tse'el awo'tan yu'un, soc tsobol mach'atic ay yutsil yo'tanic yu'un te ya x'ayine,