Levítico 9:7 - Bible in Tzeltal Bachajón

⁷ Te Moisés la yalbe te Aarón: Nohpojan tal ta scajtajib ta chiq'uel mahtanil, ac'a te milbil mahtanil yu'un mulil soc te scohtol chic'bil mahtanil awu'un, soc pasa te stojel mulil awu'un soc yu'un te pueblo; ha nix hich ac'a te mahtanil yu'un te pueblo, soc pasbeya te stojel smulic, hich te bin ut'il yaloj te Jehová, xchi.

Bible in Tzeltal de Oxchuc y Tenejapa

⁷ Te Moisés jich la yalbey te Aarón: —Noptsajan bael ta scajtijib ta chiq'uel majt'anil, mila te majt'anil yu'un amul, soc te chambalam ya awac' ta chiq'uel scojt'ol swenta sc'anel perdón yu'un amul soc nix te smulic te israeletique. Ac'a te majt'anil yu'un israeletic swenta sc'anel perdón yu'un te smulique, jich nix te bit'il yaloj mandal te Cajwaltique —xi' te Moisese.

Levítico 9:7 Referans Kwoze

Hebreos 5:3

ha scuentahil te ya sc'an ya yac' milbil mahtaniletic yu'un stojel smul soc stojel te smul te pueblo.

Hebreos 5:1

Spisil te muc'ul sacerdotehetic tsahbilic ta yohlil winiquetic soc yich'oj ya'telic te ya xc'opoj yu'unic ta stojol Dios soc te ya ya'behic Dios mahtaniletic soc milbil mahtaniletic yu'un stojel mulil.

Hebreos 9:7

Pero ta scha'tsahlal junax buelta ta jujun ha'bil ya x'och tey a te muc'ul sacerdote, ya yich' ochel ch'ich' te ya yac' ta stojol Dios yu'un stojel smul soc yu'un smul te pueblo te ma yolojuc la spasique.

Levítico 4:3

Teme ha ya sta smul te sacerdote te yich'oj malel ta aceite scuenta ch'ultesel, te hich ya ya'be sta smul a te pueblo, ya me ya'be Jehová jcoht jcolel toro te mayuc bin jihnem yu'un scuenta stojel mulil yu'un te smul stahoje.

1 Samuel 3:14

Ha yu'un calojix ta jamal ta stojol te sna Elí te bin ut'il te mach'atic ay yu'un ma xhu'ix ta tojbeyel smulic ta scuenta milbil mahtaniletic o ta scuenta yantic mahtaniletic, xchi.

Levítico 9:2

hich la yalbe te Aarón: Ic'a tal jcoht jcolel toro scuenta mahtanil yu'un mulil, soc jcoht tat tuminchij te mayuc bin jihnem yu'un, scuenta scohtol chic'bil mahtanil; ya me awac'ticlan ta stojol Jehová.

Levítico 8:34

Te bin la yich'ix pasel ta ora ini, ha te bin la yal ta mandar te Jehová scuenta stojel amulic.

Levítico 16:6

Te Aarón ya yac' te jcolel toro yu'un scuenta stojel smul soc smul te mach'atic ay yu'un ta sna.

Levítico 16:11

Te Aarón ya yic' tal te jcolel toro te ya xtuhun scuenta mahtanil yu'un smul, ya smil te jcolel toro scuenta milbil mahtanil yu'un smul soc smul te mach'atic ay yu'un ta sna.

Levítico 16:24

Ya x'atin ta lugar te ch'ultesbil, patil ya slap sc'u' spac' soc ya xloc' bahel, ya yac' te scohtol chic'bil mahtanil yu'un soc yu'un te pueblo, hich ya spasbe te stojel smul soc te smul te pueblohe.