Levítico 8:8 - Bible in Tzeltal Bachajón

⁸ Ta sba la ya'be te bolsa ya xc'oht ta stahn, tey la yotses a te Urim soc Tumim.

Bible in Tzeltal de Oxchuc y Tenejapa

⁸ La yac'bey ta sba te bolsa te ay ta stan, tey la yac' ochel te Urim soc te Tumim.

Levítico 8:8 Referans Kwoze

Esdras 2:63

Te gobernador la yalbe te ma xhu' ya swe'ic te ch'ultesbil we'eliletic ha to teme ay jtuhl sacerdote te ya sjoc'oy ta scuenta Urim soc Tumim.

1 Tesalonicenses 5:8

Yan te ho'otic te yu'unotic te c'ahc'alel, p'ijuc me x'ayinotic, ac'a jlaptic te smahquil jtahntic, ha te sch'uhunel co'tantic soc te sc'uxul co'tantic, soc ac'a jlaptic te smahquil joltic, ha te smuc'ul co'tantic yu'un te colele.

Efesios 6:14

Tehc'ana abahic hiche, chuca ach'uhtic ta smelelil c'op, lapa smahquil atahnic ta toj-o'tanil,

Isaías 59:17

La slap bin stojil ta pasel hich te bin ut'il smahquil stahn, soc la smac sjol a te ta colele; la slap c'u'ul yu'un ya'beyel spacol soc hich la smuc sba ta xut'et yo'tan te bin ut'il smahquil pac'.

Cantares 8:6

Ac'awon hichuc sello ta awo'tan, hich te bin ut'il marca ta ac'ab; como hich ay yip te sc'uxul-o'tanil te bin ut'il te lajele, soc tulan te xut'xut'-o'tanil hich te bin ut'il te stsobojibal mach'atic chamenic. Te sc'ahc'ale ha muc'ul c'ahc', ha yat c'ahc' te bayel yip.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Deuteronomio 33:8

Hich la yalbe sc'oblal Leví: Te Tumim soc Urim awu'un, ha'ic yu'un te winic te jun yo'tan ta atojol, ha te la apas ta prueba ta Masah, te mach'a la awut aba soc ta ha'etic yu'un Meriba;

1 Samuel 2:28

Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.

Nehemías 7:65

Halbotic yu'un te gobernador te ma xhu' ya swe'ic te ch'ultesbil we'eliletic, ha to teme ay sacerdote te ya stuhun te Urim soc Tumim.

Éxodo 29:1

Hich me yac apasbe yu'un ya yich'ic ch'ultesel, scuenta yu'un sacerdotehetic ya xc'ohtic cu'un: Tsaca jcoht jcolel toro soc cha'coht tat tuminchij te mayuc bin jihnem yu'unique,