Levítico 8:35 - Bible in Tzeltal Bachajón

³⁵ Ya x'ayinex huqueb c'ahc'al soc huqueb ahc'abal ta stojol te yochibal te Nahilpac' Templo yu'un tahojibal soc ya me ach'uhunic spasel te bin la yal ta mandar te Jehová, scuenta yu'un ma ba ya xchamex; como hich pasbilon ta mandar yu'un, xchi.

Bible in Tzeltal de Oxchuc y Tenejapa

³⁵ Ja' yu'un ya me sc'an te ya x'ainex juqueb c'aal soc juqueb ajc'ubal ta stojol te yochibal Nailpac' te banti ya yich' c'oponel te Cajwaltique. Ch'uunaic me te mandal yu'un Cajwaltic, jich me ma ba ya xlajex a, melel jich me ay te smandal Cajwaltic te la yalbone —xi' te Moisese.

Levítico 8:35 Referans Kwoze

1 Reyes 2:3

Ch'uhuna te mandariletic yu'un Jehová te Dios awu'un, behenan ta behetic yu'un, pasa te chahpambil mandariletic soc te mandariletic, te bintic yaloj ta mandar soc te testigo c'op yu'un, hich te bin ut'il ts'ihbabil ta mandariletic yu'un Moisés, scuenta yu'un lec ya xc'oht spisil bintic yac apas soc ta bayuc ya xbahat.

Deuteronomio 11:1

C'ux me xawa'iy ta awo'tan te Jehová te Dios awu'un soc ya me ach'uhun spasel spisil ora te bintic yaloj, bintic chapal yu'un, bintic halbil ta mandar soc te mandariletic yu'une.

Números 9:19

Teme bayel c'ahc'al ay ta sba te Nahilpac' Templo te tocale, te snich'nab Israel ya sch'uhumbeyic smandar te Jehová, ma ba ya xhahchic bahel.

Números 3:7

Ha ya yac' sbahic ta a'batinel yu'un soc yu'un spisil te pueblo ta Nahilpac' Templo yu'un tahojibal, ta scuenta spasel a'tel ta Nahilpac' Templo.

Hebreos 7:28

Como te Ley ya yotses ta muc'ul sacerdote winiquetic te mayuc yipic; pero te bin la yich' halel ta jamal, te ha patil yu'un te Ley, ha la yotses te Nich'anil te c'ax lec c'oht sbahtel q'uinal.

2 Timoteo 4:1

Ta stojol Dios soc ta stojol te Cajwaltic Jesucristo, te ya me yich' ta c'op te mach'atic cuxajtic soc mach'atic chamenic c'alal ya xchicnaj tal ta cuentahinwanej, ya ca'bat apas ini:

1 Timoteo 6:20

Timoteo, canantaya te bin a'bilat acuentahin; ma xawac' aba a te banti yac ta halel howilc'opetic te mayuc scuentahil soc te banti yac ta halel c'opetic cuybil ta p'ijil-c'op.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

1 Timoteo 6:13

Ya calbat mandar ta stojol Dios, te ha ya ya'be scuxlejal spisil bintic ay, soc ta stojol te Jesucristo, te la yal lequil testigo-c'op ta stojol te Poncio Pilato,

1 Timoteo 5:21

Ya calbat tulan mandar ta stojol Dios soc te Cajwaltic Jesucristo soc ta stojol te tsahbil ch'ul a'batetic, te ya me apas spisil ini, ma me tsahbiluc nax mach'a yac ac'uxultay.

1 Timoteo 1:18

Jnich'an, Timoteo, ya ca'bat te mandar ini, te hich nix halbilix ac'oblal ta sc'op-jalwanej ta nahlilal, scuenta yu'un yac awac' te lequil tsaltamba ta scuenta te c'opetic ini,

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Ezequiel 48:11

Te ch'ultesbil sacerdotehetic te ha sts'umbalic Sadoc te jun yo'tan hilic ta jtojol, te ma ba howiyic te c'alal howiyic te sts'umbal Israel, hich te bin ut'il la spasic te levitahetic,

Ezequiel 43:25

Huqueb c'ahc'al ya me awaq'uic jujucoht tentsun ta jujun c'ahc'al scuenta mahtanil yu'un stojel mulil, soc ya me awaq'uic jcoht colel toro soc jcoht tat tuminchij te mayuc banti jihnem yu'un.

Números 19:12

Ta yoxebal c'ahc'al soc ta shuquebal c'ahc'al ya me slecubtes sc'oblal ta scuenta te ha', hich lec sc'oblal ya xhil.

Levítico 14:8

Te mach'a ya yich' lecubtesel ya me sac' te sc'u' spac', ya squits' spisil stsotsel, soc ya spoc sba scohtol ta ha', hich ya xlecub sc'oblal. Patil ya xhu' ya x'och ta campamento, pero huqueb c'ahc'al ya x'ayin ta fuera yu'un te snahilpac'.

Levítico 10:1

Te Nadab soc Abiú, te snich'nab Aarón, ta jujutuhl la stsaquic te schic'ojibal pom yu'unic, la ya'beyic sc'ahc'al soc spomil, la ya'beyic smahtanin Jehová yan c'ahc' te ma hichuc halbibilic ya spasique.

Levítico 8:30

Patil te Moisés la yich' jtebuc te aceite scuenta ch'ultesel, soc jtebuc te ch'ich' ay ta scajtajib ta chiq'uel mahtanil, la stsihtsin a te Aarón soc te sc'u', te snich'nab soc te sc'u'ique. Hich la sch'ultes te Aarón soc te sc'u', te snich'nab soc sc'u'ic te snich'nabe.

Éxodo 29:35

Ya me apasbe te Aarón soc te snich'nab hich te bin ut'il spisil te bin la jcalbate. Huqueb c'ahc'al ya xc'ax awu'unic ta ya'beyel yich' ya'telic.

Levítico 8:34

Te bin la yich'ix pasel ta ora ini, ha te bin la yal ta mandar te Jehová scuenta stojel amulic.

Levítico 8:36

Te Aarón soc te snich'nab la spasic spisil te bintic la yal ta mandar te Jehová ta scuenta Moisés.