Levítico 8:22 - Bible in Tzeltal Bachajón

²² Patil te Moisés la yac' ta iq'uel tal te yan tat tuminchij, ha te tat tuminchij scuenta mach'a ya x'a'bot yich' ya'tel. Te Aarón soc te snich'nab la scajan sc'abic ta sjol te tuminchij.

Bible in Tzeltal de Oxchuc y Tenejapa

²² Te Moisés la yac' ta iq'uel tel te yan chij ta swenta xch'ultesel yat'el te sacerdoteetique. Te Aarón soc te snich'nab la scajan sc'abic ta sjol te chije.

Levítico 8:22 Referans Kwoze

Levítico 8:2

Ic'a tal te Aarón soc snich'nab, soc ich'a tal te c'u'uletic, te aceite yu'un ch'ultesel, te jcolel toro scuenta mahtanil yu'un stojel mulil, te cha'coht stat tuminchijetic, soc te stut mochil pan ma ba yich'oj levadura;

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Efesios 5:25

Winiquetic, c'ux me xawa'iy ta awo'tanic te awihnamic, hich te bin ut'il c'ux ta yo'tan Cristo te iglesia soc te la yac' sba ta lajel ta scuenta,

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

San Juan 17:19

Ha ta scuentahic te la jch'ultes jba, scuenta yu'un hich ch'ultesbil ya xc'ohtic ta scuenta te smelelil c'ope.

Levítico 8:29

Te Moisés la stsacbe te stahn, la stuchilan scuenta tuchilambil mahtanil ta stojol Jehová; ha yu'un Moisés te stahn te tuminchij scuenta yich'el a'tel, hich te bin ut'il halbot yu'un Jehová te Moisés.

Levítico 7:37

Hich ay te mandaril yu'un te scohtol chic'bil mahtanil, mahtanil harina, mahtanil yu'un mulil, mahtanil yu'un stahel falta, mahtanil bintic parte ac'ot, soc te mahtanil scuenta lamal q'uinal,