Levítico 8:21 - Bible in Tzeltal Bachajón

²¹ La spoc ta ha' te sbiquil soc te ya', la schic' scohtol te tat tuminchij ta scajtajib ta chiq'uel mahtanil, ha scohtol chic'bil mahtanil te sumet yic', ha mahtanil te ya yich' chiq'uel ta stojol Jehová, hich te bin ut'il halbot yu'un Jehová te Moisés.

Bible in Tzeltal de Oxchuc y Tenejapa

²¹ La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.

Levítico 8:21 Referans Kwoze

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Éxodo 29:18

Ya me achic' scohtol te tat tuminchij ta scajtajib ta chiq'uel mahtanil; ha scohtol chic'bil mahtanil ta stojol Jehová te sumet yic', ha chic'bil mahtanil ta stojol Jehová.

Levítico 2:9

Tey ya yich' jtebuc a te mahtanil te sacerdote scuenta sna'ojibal, ya schic' ta scajtajib ta chiq'uel mahtanil; ha chic'bil mahtanil te sumet yic' ta stojol Jehová.

Levítico 1:17

Ya sjepbe ta xic', pero ma ba ya sloq'ues cheb a. Te sacerdote ya schic' ta scajtajib ta chiq'uel mahtanil ta sba te si' yac ta tihlel; ha scohtol chic'bil mahtanil, ha chic'bil mahtanil te sumet yic' ta stojol te Jehová.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Éxodo 12:9

Ma me stseheluc o paybiluc yac ati'ic, ha nax wohbil ta c'ahc'; ya me awe'ic scohtol soc sjol, yoc soc bintic ay ta yutil sch'uht.

Éxodo 40:16

Te Moisés la spas spisil hich te bin ut'il halbot yu'un te Jehová.

Levítico 1:9

Ya yich'ic poquel ta ha' te sbiquil soc te ya', te sacerdote ya schic' spisil ta sba te scajtajib ta chiq'uel mahtanil. Ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 1:13

Ya yich'ic poquel ta ha' te sbiquil soc te ya'; te sacerdote ya schic' spisil ta sba te scajtajib ta chiq'uel mahtanil; ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 8:9

Patil la ya'be ta sjol te spixjol pac', ta stojol sti'ba la ya'be te jayal pehchel oro, ha te ch'ul corona, hich te bin ut'il halbot yu'un Jehová te Moisés.

Levítico 8:13

Patil te Moisés la yic'ticlan tal ta stojol te snich'nab Aarón, la yac'ticlambe slap te smuc'ul-c'u'ic, la schucticlambe ta schuhquil sch'uht soc la schucticlambe ta sjolic te spixjol paq'uic, hich te bin ut'il halbot yu'un Jehová te Moisés.