Levítico 8:15 - Bible in Tzeltal Bachajón

¹⁵ Te Moisés la smil, la yich'be te sch'ich'el, ta yal sc'ab la sjaxbe ta xulubiletic soc ta sjoyobal te scajtajib ta chiq'uel mahtanil, yu'un ya slecubtes. Te ch'ich' te hile, la smalbe ta yoc te scajtajib, hich la sch'ultes scuenta yu'un tey ya yich' pasel a te stojel mulile.

Bible in Tzeltal de Oxchuc y Tenejapa

¹⁵ Te Moisés la sbojbey snuc'. Patil la smul ta ch'ich' te sbic'tal sc'ab, la xjaxbey ta xulubiletic yu'un ta sjoyobal te scajtijib ta chiq'uel majt'anil, swenta yu'un jich ya yich' lecubtesel sc'oplal a. Te ch'ich' ay to jile, la smalbey ta yacan te scajtijib majt'anile. Jich la yich' ch'ultesel yu'un Dios a, swenta yu'un tey ya yich' c'anel a te perdón yu'un te muliletique.

Levítico 8:15 Referans Kwoze

Levítico 4:7

Ya me sjaxbe te ch'ich' ta xulubiletic yu'un te scajtajib ta chiq'uel pom te ay ta Nahilpac' Templo yu'un tahojibal, ta stojol te Jehová; te sch'ich'el te hilem ya smalbe ta yoc te scajtajib ta chiq'uel mahtanil te ay ta stojol te yochibal te Nahilpac' Templo yu'un tahojibal.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

Efesios 2:16

soc ta scuenta te laj ta cruz te Cristo la yac' te lecub yo'tanic soc Dios, junax baq'uet c'oht schebalic, hich la slajin te bin scontrahinej sbahique.

Romanos 5:10

como te c'alal jcontrahinej jbahtic soc a te Diose, la yac' te cha'lecub xan yo'tan ta jtojoltic ta scuenta te laj te Snich'ane, c'ax to xan hich ya xcolotic ta scuenta te scuxlejal, te bin ut'il junix co'tan jbahtic soque.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

Ezequiel 45:20

Ha nix hich yac apas ta shuquebal c'ahc'al yu'un te u yu'un te mach'atic ma yolojuc la sta smulic o te ma ba la sna'ic; hich yac alecubtes a te templohe.

2 Crónicas 29:24

Te sacerdotehetic la smilic soc la smalbeyic sch'ich'el ta sjoyobal te scajtajib ta chiq'uel mahtanil scuenta stojel mulil yu'un spisil Israel, como la yalix mandar te ajwalil te ya yich' pasel te scohtol chic'bil mahtanil soc te stojel mulil yu'un spisil Israel.

Levítico 16:20

C'alal ya xlaj ta spasbeyel te stojel mulil yu'un te ch'ul awilal, te Nahilpac' Templo yu'un tahojibal, soc te scajtajib ta chiq'uel mahtanil, ya me sticon ta iq'uel tal te cuxul tat tentsun;

Levítico 6:30

Pero ma xhu' ta we'el te mahtanil te yich'oj ich'beyel ochel sch'ich'el ta yutil te Nahilpac' Templo yu'un tahojibal scuenta stojel mulil ta ch'ul awilal; ya me yich' chiq'uel.

Levítico 4:30

Patil te sacerdote ya smul ta ch'ich' te yal sc'ab, ya sjaxbe ta xulubiletic yu'un te scajtajib ta chiq'uel mahtanil, soc te ch'ich' ya xhile, ya smalbe ta yoc te scajtajib.

Levítico 3:8

Ya scajan sc'ab ta sjol te mahtanil yu'un, ya smil ta stojol te Nahilpac' Templo yu'un tahojibal. Te snich'nab Aarón ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 3:2

Ya scajan sc'ab ta sjol te mahtanil yu'une, ya smil ta yochibal Nahilpac' Templo yu'un tahojibal. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 1:11

Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Levítico 1:5

Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 4:25

Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Números 8:12

Patil te levitahetic ya yac' sc'abic ta sjol te torohetic; te jcoht toro yac awac' scuenta mahtanil yu'un mulil, te yane scuenta scohtol chic'bil mahtanil ta stojol Jehová scuenta stojbeyel smulic te levitahetique.