Levítico 8:14 - Bible in Tzeltal Bachajón

¹⁴ Patil la sticon ta iq'uel tal te jcolel toro scuenta mahtanil yu'un mulil. Te Aarón soc te snich'nab la scajan sc'abic ta sjol te jcolel toro.

Bible in Tzeltal de Oxchuc y Tenejapa

¹⁴ Patil te Moisés la yac' ta iq'uel tel toro ya yich' milel yu'un te mach'a ya sta smule. Te Aarón soc te snich'nab la scajan sc'abic ta sjol te toro.

Levítico 8:14 Referans Kwoze

Ezequiel 43:19

Te sacerdote-levitahetic te sts'umbal Sadoc, te ya xnohpojic ta jtojol yu'un ya x'a'tejic ta jtojol, xchi te Jehová, te Ajwalil, ya me awac' jcoht colel toro scuenta milbil mahtanil yu'un stojel mulil.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

Isaías 53:10

Pero te Jehová la sc'an te ya yac' ta uts'inel, te ya ya'be swocol. Te c'alal yac'ojix sba scuenta milbil mahtanil yu'un mulil, ya me yil te sts'umbal soc ya me xcuxaj bayel c'ahc'al, soc te bin ya sc'an yo'tan te Jehová ya me xc'oht ta pasel ta scuenta.

Salmos 66:15

Ya ca'bat buen juhp'en chambahlametic scuenta scohtol chic'bil mahtanil, soc ya ca'bat tat tentsunetic; ya ca'bat torohetic soc tentsunetic scuenta chic'bil mahtanil. Selah

Levítico 16:21

te Aarón ya scajan sc'ab ta sjol, ya yal ta stojol spisil te bin chopol spasojic te snich'nab Israel, ha te stoybahilic soc spisil smulic. Hich ya ya'be ta sjol te tat tentsun, soc ya scoltay bahel ta jochol taquin q'uinal ta scuenta jtuhl winic te tsahbile.

Levítico 16:6

Te Aarón ya yac' te jcolel toro yu'un scuenta stojel smul soc smul te mach'atic ay yu'un ta sna.

Levítico 8:2

Ic'a tal te Aarón soc snich'nab, soc ich'a tal te c'u'uletic, te aceite yu'un ch'ultesel, te jcolel toro scuenta mahtanil yu'un stojel mulil, te cha'coht stat tuminchijetic, soc te stut mochil pan ma ba yich'oj levadura;

Levítico 1:4

Ya scajan sc'ab ta sjol te scohtol chic'bil mahtanil, hich ay ta cuenta ya xc'oht yu'un stojel smul.

Levítico 4:15

Te mamaletic yu'un te pueblo ya scajan sc'abic ta sjol te jcolel toro ta stojol Jehová, soc tey ya smilic a te jcolel toro.

Números 8:12

Patil te levitahetic ya yac' sc'abic ta sjol te torohetic; te jcoht toro yac awac' scuenta mahtanil yu'un mulil, te yane scuenta scohtol chic'bil mahtanil ta stojol Jehová scuenta stojbeyel smulic te levitahetique.

Ezequiel 43:20

Ya me awich'be jtebuc te sch'ich'el, ya me awac' ta schanebal te xulubiletic, ta schanxuhcul te lehchel ta ahc'ol soc te sti'il ta sjoyobal. Hich yac alecubtes soc yac atojbe smul a.

Ezequiel 44:27

Te bin c'ahc'alil te ya x'och ta ch'ul awilal, ta amac' ta yutil, yu'un ya spas ya'tel, ya me yac' milbil mahtanil scuenta stojel mulil, xchi te Jehová, te Ajwalil.