Levítico 7:29 - Bible in Tzeltal Bachajón

²⁹ Halbeya te snich'nab Israel: Te mach'a ya yac' milbil mahtanil scuenta lamal q'uinal ta stojol Jehová, ya me yich'be tal ta stojol Jehová.

Bible in Tzeltal de Oxchuc y Tenejapa

²⁹ —Albeya te israeletic: “Te c'alal ay mach'a ya yac'bon ta jtojol milbil majt'anil swenta te lamal-o'tanile, ya me sc'an te ya yic'bon tel ta jtojol jo'on te Ajwalilone.

Levítico 7:29 Referans Kwoze

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Colosenses 1:20

soc te ha ta scuenta te ya yac' te ya xlecub yo'tanic soc Dios spisil bintic ay ta bahlumilal soc spisil bintic ay ta ch'ulchan, ha la yac' lamal q'uinal ta scuenta sch'ich'el te la yich' malel ta cruz.

Levítico 7:28

Te Jehová la yalbe te Moisés:

1 Samuel 2:13

Hich la spasulanic te sacerdotehetic ta stojol te pueblo: teme ay mach'a ya yac' milbil mahtanil, te c'alal yac ta ta'ajel a te ti'bal, ya xtal jtuhl ya'bat te sacerdote, yich'oj ya xtal ta sc'ab jun trinche te oxeb ye,

Levítico 7:11

Hich ay te mandaril yu'un te milbil mahtanil scuenta lamal q'uinal te ya yich' a'beyel ta stojol Jehová.

Levítico 9:20

soc la ya'beyic te sjuhp'el ta sba ta schebal stahn. Hich la schic' ta scajtajib ta chiq'uel mahtanil,