Levítico 7:25 - Bible in Tzeltal Bachajón

²⁵ Mach'ayuc a te ya swe'be sjuhp'el te chambahlam te a'bot scuenta chic'bil mahtanil ta stojol Jehová, ya me yich' loq'uesel ta stojol te slumale.

Bible in Tzeltal de Oxchuc y Tenejapa

²⁵ “Mach'auc a te ya slo'beyic xepuil te chambalametic swenta chic'bil majt'anil te ya quich' aq'uel ta jtojol jo'on te Ajwalilone, ya me yich' loq'uesel ta stojol te slumale.

Levítico 7:25 Referans Kwoze

Levítico 7:20

Yan te mach'a bohloben sc'oblal a te ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale.

Levítico 7:24

Te sjuhp'el te chamen chambahlam o te ixta'lambil yu'un ti'awal ha'mal chambahlam, ya xhu' ya yich' tuhunel, pero ma xhu' yac awe'ic.

Levítico 7:26

Soc ta bayuc ya xnahinex, ma me xawe'beyic sch'ich'el mutetic o chambahlametic.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Éxodo 29:25

Patil ya me awich'be te bin ay ta sc'abic, pajal ya me achic' ta scajtajib ta chiq'uel mahtanil soc te scohtol chic'bil mahtanil, scuenta sumet yic' ta stojol Jehová. Ha mahtanil a'bot te Jehová ta scuenta c'ahc'.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Levítico 7:21

Soc teme ay mach'a ya spic te bin bohloben sc'oblal yu'un ants-winic o chambahlam, biluc a te ihlaybil, teme ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale, xchi.

Levítico 7:27

Mach'ayuc a te ya swe' ch'ich', ya me yich' loq'uesel ta stojol te slumal, xchi.