Levítico 7:21 - Bible in Tzeltal Bachajón

²¹ Soc teme ay mach'a ya spic te bin bohloben sc'oblal yu'un ants-winic o chambahlam, biluc a te ihlaybil, teme ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale, xchi.

Bible in Tzeltal de Oxchuc y Tenejapa

²¹ “Teme ay mach'a ya spic te bila ma lecuc sc'oplale (manchuc me ants-winic, o teme chambalam te ma lecuc sc'oplale, o yantic biluc te ma lecuc sc'oplale) teme ya sti' te sbaq'uetal te milbil majt'anil swenta lamal-o'tanil te jo'on cu'un te Ajwalilone, ya me yich' loq'uesel ta stojol te slumale.” Jich me ya awal ta stojolic —xi' te Cajwaltique.

Levítico 7:21 Referans Kwoze

Ezequiel 4:14

Hich la jcal: ¡Ay, Cajwal Jehová! ma ba bohloben sc'oblal te jcuxlejal; ta jqueremil c'alal ora ini mayuc bin ora jwe'oj chamen sbaq'uetal chambahlam o te butsticlambile, mayuc bin ora jwe'oj ti'bal te bohloben sc'oblal, xchihon.

Levítico 12:1

Te Jehová la yalbe te Moisés:

Levítico 11:20

Spisil bic'tal chambahlametic te ya xwihlic soc te ya xbehenic ta chaneb yoc, ihlaybiluc me awu'unic.

Deuteronomio 14:10

Pero spisil te mayuc stut xic' soc te mayuc suhlil ma me xawe'ic stuquel; ma me lecuc sc'oblal awu'unic.

Deuteronomio 14:3

Ma me xawe' te bin ilobtic sba.

Levítico 22:4

Mach'ayuc winiquil te sts'umbal Aarón te yich'oj c'a'el-chamel o ay bin ya xmal loq'uel ta sbaq'uetal, ma me swe' te bin ch'ultesbil ha to c'alal lecubenix a. Te mach'a ya spic te bin chamen, o te winic te mahlem loq'uel snich'an,

Levítico 18:29

Como mach'ayuc a te ya spas te bin mero ilobtic sba ini, ya me yich' loq'uesel ta yohlil te slumale.

Levítico 17:14

como ay ta ch'ich' te scuxlejale. Ha scuentahil te la jcalbe te snich'nab Israel: Ma me xawe'beyic sch'ich'el biluc a te cuxule, como ay ta ch'ich' te scuxlejale. Mach'ayuc a te ya swe', ya me yich' loq'uesel bahel.

Levítico 17:10

Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Levítico 7:27

Mach'ayuc a te ya swe' ch'ich', ya me yich' loq'uesel ta stojol te slumal, xchi.

Levítico 7:25

Mach'ayuc a te ya swe'be sjuhp'el te chambahlam te a'bot scuenta chic'bil mahtanil ta stojol Jehová, ya me yich' loq'uesel ta stojol te slumale.

Levítico 7:20

Yan te mach'a bohloben sc'oblal a te ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale.

Éxodo 12:19

Huqueb c'ahc'al ma me ayuc levadura ta anahic. Mach'ayuc a te ya swe' te bin yich'oj levadura, teme jyanlum o teme alumal, ya me yich' loq'uesel ta pueblo yu'un Israel.

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Génesis 17:14

Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Levítico 7:22

Te Jehová la yalbe te Moisés:

Levítico 22:3

Halbeya ya'iyic te mach'ayuc winiquil ta spisil ats'umbal ta cajalcaj awu'unic, teme bohloben sc'oblal a ya xnohpoj tal ta stojol te bin ch'ultesbil ya ya'bonic te snich'nab Israel, ya me yich' loq'uesel ta jtojol. Ho'on, Jehovahon.

Números 19:22

Spisil te bin ya spic te mach'a bohloben sc'oblal, ya xbohlob sc'oblal. Te mach'a ya spic, bohloben sc'oblal ya xhil c'alal ta yihc'ubel q'uinal, xchi te Jehová.

1 Samuel 20:26

Pero mayuc bin la yal te Saúl ta yorahil, como la yal ta yo'tan: Ay wan bin la spas te ma ba lec sc'oblal yu'un; ma to ba slecubtesej sba, xchi.

Levítico 19:8

Te mach'a ya swe', scuchoj smul yu'un la yac' bohlobuc sc'oblal te bin ch'ultesbil yu'un Jehová. Te mach'a hich ya spas ya me yich' loq'uesel ta yohlil te pueblo yu'une.

Levítico 20:3

Ma lecuc co'tan yu'un te winique, ya jloq'ues bahel ta yohlil te slumal yu'un te la ya'be smahtanin Moloc te snich'ane, hich la yac' bohlobuc sc'oblal te ch'ul templo cu'un soc la yac' jihnuc sc'oblal te jch'ul bihile.

Levítico 23:29

Spisil mach'a ma ba ya scom swe'el a, ya me yich' loq'uesel ta stojol te slumale.

Ezequiel 33:25

Ha yu'un hich xawalbeyic: Hich yaloj te Jehová, te Ajwalil: Yac ati'ic ti'bal soc sch'ich'el, soc yac awil mohel te loc'ombahetic awu'unic soc yac amalic ch'ich', ¿yu'un bal yac awu'untayic te q'uinale?