Levítico 7:19 - Bible in Tzeltal Bachajón

¹⁹ Te ti'bal te ya slac' sba soc te bin bohloben sc'oblal, ma xhu' ta we'el, ya yich' chiq'uel. Spisil te mach'atic lec sc'oblalic ya xhu' ya swe'ic te ti'bal.

Bible in Tzeltal de Oxchuc y Tenejapa

¹⁹ “Teme ya slac' sba soc te bila ma lecuc sc'oplal te ti'bale, ma me lecuc ta ti'el, ac'a me yich' chiq'uel. “Spisil te mach'atic slecubtesej sc'oplalic, ja' me ya xju' ya sti'ic stuquelic te ti'bale.

Levítico 7:19 Referans Kwoze

Tito 1:15

Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

Romanos 14:20

Ma me xajimbe te ya'tel Dios ta scaj we'elil. Spisil bintic ay, lec sc'oblal, pero ma lecuc teme ay mach'a ya ya'be sc'ohchin sba yantic ta scuenta te bin ya swe'e.

Romanos 14:14

Jna'oj soc hich ay ta co'tan ta scuenta te Cajwaltic Jesús, te mayuc bin bohloben sc'oblal; pero te mach'a ya scuy te bohloben sc'oblale, yu'un nix bohloben sc'oblal ta stojol abi.

Hechos 10:28

Hich la yal te Pedro: Ana'ojic te ma xpas ya sjoquin jyanlum te mach'a judío, pero Dios la ya'bonix quil te mayuc mach'a ma lecuc sc'oblal o te bohloben sc'oblal.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Levítico 6:27

Spisil te bin ya xtahot yu'un te ti'bale, ch'ultesbil ya xc'oht, soc teme ay c'oht ch'ich' ta sc'u' spac', ya me asac' ta lugar te ch'ultesbil.

Levítico 7:18

Teme ya yich' we'el ta yoxebal c'ahc'al te ti'bal yu'un te milbil mahtanil scuenta lamal q'uinale, ma ba lec ya xc'oht yu'un Dios te mach'a la yaq'ue, soc te bin la yac' mayuc ta cuenta, ihlaybil ya xc'oht, soc te mach'a ya sti' ay smul ya xc'oht.

Levítico 7:20

Yan te mach'a bohloben sc'oblal a te ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale.