Levítico 7:16 - Bible in Tzeltal Bachajón

¹⁶ Yan teme ha mahtanil yu'un sc'op schapoj, o teme scuenta nax sc'anojel yo'tan, ya yich' we'el ta sc'ahc'alel nix te la yich' aq'uele; teme ay to hile, ya xhu' ya swe'ic ta schebal c'ahc'al;

Bible in Tzeltal de Oxchuc y Tenejapa

¹⁶ Yan teme ja' ta swenta bit'il ay bila xchapoj ta jtojole, o teme swenta nax spasemal yo'tan te ya yac'bon te chambalam te mach'a ya yaq'ue, ya me sc'an te ja' nix te sc'aalelal te bi ora ya yich' aq'uel te ya yich' ti'el te sbaq'uetale. Teme ay to jil te ti'bale, ya xju' ta ti'el ta xchebal c'aal stuquel;

Levítico 7:16 Referans Kwoze

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Nahúm 1:15

¡Ilawil, tey ta sba witsiltic ay te yoc te mach'a ya yich' tal te lec yach'il c'op, te ya yalbe sc'oblal te lamal q'uinale! Pasa te q'uinetic awu'un, Judá, c'ohtesa ta pasel te bintic awaloj ta jamal, como mayuquix bin ora ya yochintayat te mach'a chopol yo'tan; jc'axel la yich'ix lajinel.

Ezequiel 46:12

Te príncipal c'alal ya ya'be Jehová scohtol chic'bil mahtanil o mahtanil yu'un lamal-o'tanil ta scuenta sc'anojel yo'tan, ya yich' jambeyel te ochibal ta stojol banti ya xloc' tal c'ahc'al; hich me yac' te scohtol chic'bil mahtanil o te mahtanil yu'un lamal-o'tanil hich te bin ya spas ta sc'ahc'alel cux-o'tan, patil ya xloc' bahel. C'alal loq'uemix bahel a, ya yich' maquel te ochibal.

Salmos 116:18

Ya jpas te bintic caloj ta stojol Jehová ta stojol spisil te pueblo yu'un,

Salmos 116:14

Ya jpas te bintic caloj ta stojol Jehová ta stojol spisil te pueblo yu'une.

Salmos 66:13

Ya x'ochon ta templo awu'un soc scohtol chic'bil mahtanil, ya jpas te bin caloj ta atojol,

Deuteronomio 12:26

Yan te bintic ch'uhltesbilic awu'un soc te bintic jc'axel awaloj ta jamal yac awac', ya me awich' talel ta lugar ta banti tsahbil yu'un Jehová;

Deuteronomio 12:17

Ma me xawe' ta pueblohetic awu'un te jun ta slajunebal te trigo, vino, aceite, te sba-al wacaxetic, tuminchijetic o tentsunetic, te mahtaniletic jc'axel awaloj ta jamal yac awac', te mahtaniletic yac awac' ta sc'anojel awo'tan, o te tuchilambil mahtaniletic awu'un te yac awac',

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Levítico 23:38

soc xan te sc'ahc'alel cux-o'tan yu'un Jehová, te yan mahtaniletic awu'unic, te bin yac awaq'uic yu'un te bin achapojic, soc spisil te mahtaniletic scuenta sc'anojel awo'tanic te c'ahyemex ta ya'beyel te Jehová.

Levítico 22:29

Te c'alal yac awa'be smahtan Jehová ta scuenta yalbeyel wocol, stojil me xawac' scuenta yu'un ich'bil ta cuenta ya xc'oht a.

Levítico 22:23

Te toro o tuminchij te stalel ay sobra o ma ts'acaluc ta sbaq'uetal, ya xhu' yac awac' scuenta mahtanil yu'un sc'anojel awo'tan. Yan teme ha mahtanil scuenta sc'ohtesel ta pasel te bin achapoje, ma x'ich'botat ta cuenta.

Éxodo 35:29

Spisil te snich'nab Israel, winiquetic soc antsetic, te la sc'an yo'tanic te ay bin ya yich'ic tal yu'un te a'tel te halbot yu'un Jehová te Moisés te ya yich' pasele, ta stuquel-o'tanic la yich'beyic tal smahtan te Jehová.

Proverbios 7:14

Caloj te ya cac' milbil mahtanil scuenta lamal-o'tanil, nax to c'oht ta pasel cu'un te bin caloj ta jamal.