Levítico 6:6 - Bible in Tzeltal Bachajón

⁶ Scuenta mahtanil yu'un stojel smul te sfalta stahoj ya me yic' tal ta stojol Jehová jcoht tat tuminchij o tentsun te mayuc bin jihnem yu'un, te hich stojol te yac awale, ya me ya'be ta stojol te sacerdote scuenta mahtanil yu'un stojel mulil.

Bible in Tzeltal de Oxchuc y Tenejapa

⁶ Te milbil majt'anil ya yac' ta jtojol jo'on te Ajwalilon, ya me sc'an ya yac' jcojt' chij te ma'yuc bila boloben ta sbaq'uetal. Te stojol te chije, ja'at ni me ya atsajtaybey. Te chije ya me yic' loq'uel tel ta yolil te chijetic yu'une. Ja' me ya yic'bey bael ta stojol te sacerdote swenta milbil majt'anil yu'un te smule.

Levítico 6:6 Referans Kwoze

Levítico 5:15

Teme ay mach'a ya sta falta, te ma snopojuc a ya sta smul ta scuenta te bin ch'ultesbil yu'un Jehová, ya me yic' tal ta stojol Jehová scuenta mahtanil yu'un stahel falta jcoht tat tuminchij o tentsun te mayuc bin jihnem yu'une; te stojol te chambahlam ay ta p'isel ta siclo yu'un plata, ha te siclo yu'un te ch'ul awilal; ha mahtanil yu'un stahel falta.

Levítico 5:18

Ya me yic' tal ta stojol sacerdote scuenta mahtanil yu'un te la sta falta jcoht tat tuminchij o tentsun te mayuc bin jihnem yu'un, te hich ay stojol te yac awale. Te sacerdote ya spasbe te stojel mulil yu'un ma snopojuc la sta falta, hich ya sta perdón a.

Levítico 5:7

Teme ma xhu' yu'un jcoht jcolel tuminchij, ya me yic' tal ta stojol Jehová cheb xpuliwoc o cheb jcolel stsuhmut scuenta stojel smul te stahoje, jcoht scuenta stojel mulil, jcoht scuenta scohtol chic'bil mahtanil.

Levítico 14:12

Te sacerdote ya me stsac jcoht jcolel tat tuminchij, ha ya yac' scuenta mahtanil yu'un stahel falta, soc te jteb ma sta j'ohlil litro aceite, ya me stuchilan spisil ta stojol Jehová scuenta tuchilambil mahtanil.

Esdras 10:19

Ha la yac' sc'abic ta yalel te ya me yihquitayic te antsetic yu'unique. Soc jujutuhl la yaq'uic jujucoht tat tuminchij yu'unic scuenta mahtanil yu'un te smulique.

Nehemías 10:35

Soc ta jujun ha'bil ya quich'tic talel ta sna Jehová te sba sit te awal-ts'unubil soc te sba sit te te'etic.

Ezequiel 40:46

Soc te jtsahl te ya yil bahel ta stojol norte ha yu'un te sacerdotehetic te ya scuentahinic te scajtajib ta chiq'uel mahtanil; ha te sts'umbal Sadoc, ha'ic nax te sts'umbal Leví te ya xhu' ya xnohpojic ta a'tel ta stojol Jehová, xchi.