Levítico 6:2 - Bible in Tzeltal Bachajón

² Teme ay mach'a ya sta smul, te ha ya sta falta ta stojol Jehová te bin ut'il ma ba ya ya'beyix te bin ay yu'un te spat-xuhc te a'bibil scuentahin o a'bibil hilel ta sc'ab, o te ya yelc'ambe o ya sbohlobtesbe sc'oblal te spat-xuhc,

Bible in Tzeltal de Oxchuc y Tenejapa

² —Teme ay mach'a la sta smul, teme yu'un ya sc'an slo'layon jo'on te Ajwalilone, scaj te la slo'lay te spat-xujq'ue, teme ay bi la yich'bey ta majanel, o teme ay bi la sq'uejbey, o teme ay bi la yelc'anbey, o teme la yuts'in,

Levítico 6:2 Referans Kwoze

Colosenses 3:9

Ma me xalotiy abahic, te bin ut'il la acholiquix loq'uel te apoco'-talelic soc te ya'tele,

Hechos 5:4

Te c'alal ay to ta acuenta a te aq'uinal, ¿ma bal awu'unuc? soc te c'alal la achon, ¿ma bal ayuc ta ac'ab te stojole? ¿Bin yu'un te hich la anop ta awo'tan? Ma ha'uc la alotiy te winiquetic, ha la alotiy te Diose, la yut.

Proverbios 24:28

Ma me xatojol lehbe smul apat-axuhc, ma me xawa'iy lot.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Levítico 5:15

Teme ay mach'a ya sta falta, te ma snopojuc a ya sta smul ta scuenta te bin ch'ultesbil yu'un Jehová, ya me yic' tal ta stojol Jehová scuenta mahtanil yu'un stahel falta jcoht tat tuminchij o tentsun te mayuc bin jihnem yu'une; te stojol te chambahlam ay ta p'isel ta siclo yu'un plata, ha te siclo yu'un te ch'ul awilal; ha mahtanil yu'un stahel falta.

Apocalipsis 22:15

Yan te ts'i'etic, te j'ilojeletic, j'antsiwejetic, j'antsineletic, jmilawetic, te mach'atic sch'uhunejic loc'ombahetic soc spisil mach'atic te ya smulanic te ya ya'iyic lot, ya me xhilic ta pat ts'ahc stuquelic.

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Habacuc 1:13

C'ax lec asit ta yilel te bin ma lecuc, ma xhu' yac awil te bin chopole; ¿bin yu'un hiche te yac awil te j'uts'inwanejetic, soc te ma xc'opojat c'alal te mach'atic chopol yo'tanic ya sjinic te mach'a c'ax hich toj xan a te bin ut'il ayique?

Amós 8:5

te hich yac awalic: ¿Bin ora ya xc'ax te q'uin yu'un yach'il u, yu'un ya jchontic te sit awal-ts'unubil; soc bin ora ya xc'ax te sc'ahc'alel cux-o'tan, yu'un ya jamtic te yawil trigo? Ya jtutubtes te sp'isol, ya jtoybetic te stojol soc ya jlo'loytic ta sp'isojibal yalal;

Jeremías 9:5

Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.

Isaías 33:1

¡Ay me awocol, ha'at te ya xjinawanat, te mayuc bin ora la awich' jinele; te yac awac' ta c'abal, aunque mayuc mach'a la yac'at ta c'abal! C'alal ya xlaj awo'tan ta jinaw, ya me awich' jinel; c'alal ya xlaj awo'tan ta ac'aw ta c'abal, ya me x'ac'otat ta c'abal.

Isaías 24:16

C'alal ta sti'il bahlumilal ya ca'iytic c'ayoj te hich ya yal: ¡Ay yutsil sc'oblal te mach'a toj yo'tan! xchi. Hich la jcal: ¡Ay me jwocol, ay me jwocol, ay yo'bolil jba! Te j'ac'awetic ta c'abal ya x'ac'awanic ta c'abal, ta scuenta schopolilic ya x'ac'awanic ta c'abal, xchihon.

Isaías 21:2

La ya'bon quil tulan nahalsit: Te j'ac'aw ta c'abal ya x'ac'awan ta c'abal, te jlajinwanej ya xlajinwan. ¡Mohan, Elam! ¡Joytaya, Media! Ya cac' lahmajuc spisil ahcan.

Proverbios 26:19

hich ay te mach'a ya slo'loy te spat-xuhc soc patil hich ya yal: Ixta' nax la jpas, xchi.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Levítico 5:19

Ha mahtanil yu'un stahel falta, como ta mero melel stahoj smul ta stojol Jehová, xchi.

Génesis 26:7

Te winiquetic tey a la sjoc'obeyic sc'oblal te yihname. La sjac' te Isaac: Ha quihts'in, xchi, como la xi' yalel te ha yihnam, yu'un la yal ta yo'tan te ya wan xmilot yu'un te winiquetic ta scaj te Rebeca, yu'un buen t'ujbil ants.

Levítico 6:1

Te Jehová la yalbe te Moisés:

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Ezequiel 40:46

Soc te jtsahl te ya yil bahel ta stojol norte ha yu'un te sacerdotehetic te ya scuentahinic te scajtajib ta chiq'uel mahtanil; ha te sts'umbal Sadoc, ha'ic nax te sts'umbal Leví te ya xhu' ya xnohpojic ta a'tel ta stojol Jehová, xchi.