Levítico 6:11 - Bible in Tzeltal Bachajón

¹¹ Patil ya sjeltay te sc'u' spac', ya yich' bahel te stanul ta fuera yu'un te campamento ta lugar te ma ba bohloben sc'oblal.

Bible in Tzeltal de Oxchuc y Tenejapa

¹¹ Patil ya me sjeltay te sc'u'-spaq'ue, ya me yich' bael te stanul majt'anil, ya me yac' ta yawil te lec sc'oplal ta spat te campamentoe.

Levítico 6:11 Referans Kwoze

Ezequiel 44:19

Te c'alal ya xloq'uic bahel ta shahchibal amac' te banti ay te ants-winiquetic, ya me sloq'uesic te sc'u' spaq'uic te tuhun yu'unic ta a'tel, ya me yihquitayic hilel ta stsahluletic te ch'ul awilal, ya slapic yan c'u'ul, scuenta yu'un ma ba ya sch'ultesic te ants-winiquetic ta scuenta te sc'u'ique.

Levítico 4:12

ha spisil te jcolel toro te hile, ya me sloq'ues bahel ta fuera yu'un te campamento ta jun lugar te ma ba bohloben sc'oblal, te banti ya yich' ch'ayel te stanul c'ahc', ya me schic' ta sba si' ta banti ay te stanul c'ahc'.

Levítico 16:27

Patil ya yich'ic loq'uel ta fuera yu'un te campamento te jcolel toro soc te tentsun scuenta mahtanil yu'un mulil, te la yich' ich'beyel ochel sch'ich'elic ta ch'ul awilal scuenta spasel stojel mulil, ya schiq'uic tey a te snuhculel, sbaq'uetal soc stsa'.

Levítico 4:21

Ya sloq'ues bahel te jcolel toro ta fuera yu'un te campamento, ya schic' hich te bin ut'il la schic' te yan jcolel toro; ha milbil mahtanil yu'un stojel mulil yu'un te pueblo.

Levítico 6:10

Te sacerdote ya slap sc'u' soc scomil wex pasbilic ta lino. C'alal lajix ta c'ahq'uel a te scohtol chic'bil mahtanil ya stsobe te stanul ay ta sba te scajtajib, ya yac' hilel ta xuhc te scajtajib ta chiq'uel mahtanil.

Levítico 6:12

Te c'ahc' ya xtihl ta scajtajib ta chiq'uel mahtanil, ma me ayuc bin ora ya xtup', te sacerdote ya me ya'be si'il ta jujun sab, ya scajan ta sba si' te chambahlam ya yich' chiq'uel, soc tey ya schic'be a te sjuhp'el te milbil mahtanil scuenta lamal q'uinal.

Éxodo 29:37

Huqueb c'ahc'al ya me apasbe mahtanil yu'un stojel mulil yu'un te scajtajib ta chiq'uel mahtanil soc ya me ach'ultes, mero ch'ultesbil ya xc'oht; biluc a te ya sta te scajtajib ta chiq'uel mahtanil ch'ultesbil ya xc'oht.

Levítico 6:20

Hich ay te mahtanil ya yac' te Aarón soc te snich'nab ta stojol Jehová te c'alal ya xmalbot aceite scuenta ch'ultesel: ha jun ta slajunebal efa lequil harina, j'ohlil ya yac' ta sab, j'ohlil ta tibiltic, ha mahtanil te ma xlaj sc'oblal ta aq'uel.

Levítico 6:22

Hich nix ya sc'an ya spas te sacerdote te tsahbil ta yohlil te snich'nab Aarón soc te yich'oj malel ta aceite scuenta ch'ultesel te ha sjelol Aarón. Yu'un Jehová te mahtanile, spisil me ya yich' chiq'uel.

Levítico 7:6

Spisil winiquetic te ayic ta sacerdotehil ya xhu' ya swe'ic; ya yich' we'el ta lugar te ch'ultesbil; ha mero ch'ultesbil.

Levítico 24:9

Ha yu'un Aarón soc snich'nab te pane, ya swe'ic ta lugar te ch'ultesbil, como ha te bin mero ch'ultesbil yu'un te chic'bil mahtaniletic te ha yu'un Aarón soc snich'nab te ya yich' chiq'uel ta stojol Jehová, xchi.