Levítico 5:4 - Bible in Tzeltal Bachajón

⁴ Teme ay mach'a ora nax ay bin jc'axel ya stojol lom ta halel te ya spas, teme lec o teme ma lecuque, biluc a te jc'axel ya yal ta ora nax, te ma nahiluc ya snop ta lec, teme ma ba ya sna' ta ora, pero teme patilix ya sna'e, stahojix smul, chican biluc a te ya slom ta halele.

Bible in Tzeltal de Oxchuc y Tenejapa

⁴ “Teme ay mach'a ora nax ay bila ya stojol lom ta alel te ay bila ya spase, teme leque, o teme ma lecuque (biluc a te ya yal ta ora nax, te ma neeluc ya snop ta leque) pero teme ma ba ya sna' ta ora, teme patilix ya sna'e, puersa me staoj smul ya xc'ot yu'un, chican biluc a te ya slom ta alele.

Levítico 5:4 Referans Kwoze

Hechos 23:12

C'alal sacub q'uinal, ay la stsob sbahic judíohetic ta schapbeyel sc'oblal ta milel te Pablo, soc la yalic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo.

San Marcos 6:23

Soc jc'axel la yalbe ta jamal: Ya ca'bat spisil bintic ya ac'ambon, chican teme j'ohlil ban c'alal jcuentahinej, xchi.

Jueces 11:31

mach'ayuc a te ya xloc' tal stahon ta sti'il jna te c'alal ya suhton tal ta tsalel te amonetic, yu'un Jehová ya xc'oht, ha ya ca'be scuenta scohtol chic'bil mahtanil, xchi.

1 Samuel 25:22

Dios hich ac'a spasbe te scontratac David, soc c'ax to xan hich a, teme ta sab pajel cuxul ya xhil cu'un jtuhluc te mach'a ay yu'un, xchi.

Números 30:8

Yan teme ma hichuc yo'tan te smamalal te c'alal la ya'iy, ma ba hich chapal ya xhil te bin schapoj o te bin la yal ta jamal te la schuc sba a. Te Jehová ya spasbe perdón.

San Mateo 14:9

Te ajwalil la smel yo'tan yu'un, pero ta scaj te yalojix ta jamal soc ta scaj te mach'atic sjoquinejic ta mesa, la spas mandar te ya x'a'bot te bin yac sc'ambele.

San Mateo 14:7

Ha yu'un la yal ta jamal te ya ya'be spisil te bin ya xc'ambote.

2 Reyes 6:31

Hich la yal te ajwalil: ¡Hich ac'a spasbon te Dios, soc c'axuc to xan hich a, teme ya to xhil sjol yo'tic te Eliseo snich'an Safat! xchi.

2 Samuel 21:7

Te ajwalil la sc'uxultay te Mefi-boset snich'an Jonatán, snich'an Saúl, scaj te ay bin yalojic ta jamal ta stojol Jehová te David soc te Jonatán snich'an Saúl.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

Jueces 21:18

Pero te ho'otic ma xhu' ya ca'betic te cantsil-nich'nabtic, como hich calojtic ta jamal: Bohlobuc me sc'oblal te mach'a ya ya'be yihnam te snich'nab Benjamín, xchihic.

Jueces 21:7

¿Bin ya cutic ya sta yihnamic te mach'atic cuxul hilique? Te ho'otic calojtic ta jamal ta stojol Jehová te ma ba ya ca'betic ya xnuhpunic soc te cantsil-nich'nabtic, xchihic.

Jueces 9:19

Teme smelelil soc stojil te bin la apasbeyic te chawinic Jerobaal soc te mach'atic ay yu'une, tse'eluc me awo'tanic ta stojol Abimelec soc tse'eluc me yo'tan ta atojolic hiche.

Josué 9:15

Te Josué la yac' te lamal yo'tan ya xc'oht soc; soc la schap sc'op soc te cuxul ya xhilic; hich nix jc'axel la yalic ta jamal te príncipaletic yu'un te pueblohe.

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Números 30:6

Teme nuhpunem a te ants te ya schap sc'op o te ora nax ay bin loc' ta ye te la schuc sba a,

Levítico 5:3

O teme ya spic biluc a te bohloben sc'oblal yu'un ants-winiquetic te ya xhu' ya sbohlobtesbe sc'oblal, teme ma ba la sna', pero teme patilix la sna', stahojix smul abi.

Levítico 5:13

Te sacerdote hich ya spasbe te stojel mulil yu'un te smul stahoj, chican te bin mulil halbil sc'oblal li'i, hich ya sta perdón a. Te ban c'alal ya xhil yu'un te harina ha ya yich' te sacerdote, hich te bin ut'il te mahtanil harina, xchi te Jehová.

Salmos 106:33

como la yaq'uic bohlobuc yo'tan, hich ora la yal te bin ma ba nopbil yu'une.