Levítico 5:2 - Bible in Tzeltal Bachajón

² Ha nix hich teme ay mach'a ya spic te bin bohloben sc'oblal, hich te bin ut'il sbaq'uetal chamen ha'mal chambahlam, alaq'uil chambahlam, o chamen chambahlam te staslajan ya xbehen ta lum te bohloben sc'oblal, aunque ma ba la sna' te la spic, bohloben sc'oblal ya xhil soc stahojix smul.

Bible in Tzeltal de Oxchuc y Tenejapa

² “Teme ay mach'a ya spic te bila ma lecuc sc'oplale, jich bit'il sbaq'uetal lajem chambalam te stalel ma lecuc xi' sc'oplale, manchuc teme ja'mal chambalam, manchuc teme ja' te alaq'uil chambalam ayic ta ana, o teme ja' te chambalametic staslajan ya xbeenic ta lum, jich ma lecuc sc'oplal ya xc'ot te mach'a la spique, manchuc me ma la sna' te la spique.

Levítico 5:2 Referans Kwoze

Levítico 5:17

Teme ay mach'a ya sta smul o te ya spas te bin yaloj ta mandar te Jehová te ma hichuc ya sc'an pasele, aunque ma ba sna'oj a, ha stahoj falta soc scuchoj smul ya xhil.

Deuteronomio 14:8

soc te chitam, aunque xalal slots' pero ma ba ya scha'jach' xan swe'el; ma me lecuc sc'oblal awu'unic. Ma me xawe'beyic sti'balul, soc ma me xapicbeyic sbaq'uetal te chamen chambahlam.

Hageo 2:13

Hich la yal te Hageo: Teme ay mach'a bohloben sc'oblal ta scaj spiquel chamen baq'uet, teme ay ya spic biluc we'elil ini, ¿ya bal xbohlob sc'oblal yu'un? xchi. Ya xbohlob sc'oblal, xchihic te sacerdotehetique.

Levítico 11:11

Ihlaybiluc me awu'unic, ma me xawe'beyic te sbaq'uetalic, soc ya me awihlayic te schamen baq'uetalique.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

San Lucas 11:44

¡Ay me awocolic, escribanohetic soc fariseohetic, chebal-o'tanex! hich c'ohemex te bin ut'il muquenaletic te ma chicanuc ta ilel, te ma ba ya sna'ic te ha muquenal te mach'atic ya xbehenic ta sba, xchi sc'oblalic.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Salmos 19:12

¿Mach'a ya xhu' sna'el te banti howiyem? Pasbon perdón yu'un te muquen faltahetic cu'une.

Levítico 7:21

Soc teme ay mach'a ya spic te bin bohloben sc'oblal yu'un ants-winic o chambahlam, biluc a te ihlaybil, teme ya swe' te ti'bal yu'un te milbil mahtanil scuenta lamal q'uinal, te ha yu'un Jehová, ya me yich' loq'uesel ta stojol te slumale, xchi.

Levítico 5:4

Teme ay mach'a ora nax ay bin jc'axel ya stojol lom ta halel te ya spas, teme lec o teme ma lecuque, biluc a te jc'axel ya yal ta ora nax, te ma nahiluc ya snop ta lec, teme ma ba ya sna' ta ora, pero teme patilix ya sna'e, stahojix smul, chican biluc a te ya slom ta halele.

Levítico 4:13

Teme spisil te pueblo Israel te ma snopojuc a ya sta smul, teme ma ba sna'oj te pueblo te stahoj smule, stahoj smul yu'un te la sc'axuntaybe smandar Jehová te ma hichuc ay ta pasele.

Levítico 5:3

O teme ya spic biluc a te bohloben sc'oblal yu'un ants-winiquetic te ya xhu' ya sbohlobtesbe sc'oblal, teme ma ba la sna', pero teme patilix la sna', stahojix smul abi.

Levítico 11:8

Ma me xawe'beyic sbaq'uetal, soc ma xapicbeyic te schamen baq'uetal; ma me lecuc sc'oblal awu'unic.

Números 19:22

Spisil te bin ya spic te mach'a bohloben sc'oblal, ya xbohlob sc'oblal. Te mach'a ya spic, bohloben sc'oblal ya xhil c'alal ta yihc'ubel q'uinal, xchi te Jehová.