Levítico 5:11 - Bible in Tzeltal Bachajón

¹¹ Teme ma xhu' yu'un te cheb xpuliwoc o cheb jcolel stsuhmut, ya me yich' tal scuenta mahtanil yu'un te smul stahoj jun ta slajunebal efa lequil harina; ma ba ya ya'be aceite soc ma ba ya ya'be pom ta sba, como ha milbil mahtanil yu'un stojel mulil.

Bible in Tzeltal de Oxchuc y Tenejapa

¹¹ “Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Levítico 5:11 Referans Kwoze

Números 5:15

te winic ya me yic' bahel te yihnam ta stojol sacerdote soc te mahtanil yu'un, ha jun ta slajunebal efa harina yu'un cebada. Ma ba ya smalbe aceite soc ma ba ya ya'be pom ta sba, como ha mahtanil yu'un ich'mul, ha mahtanil scuenta sna'el mulil.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Números 7:13

Te smahtan, ha jun plato pasbil ta plata te lajuneb shucwinic (130) siclo yalal; jun jarra pasbil ta plata te lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

Levítico 5:12

Ya yich'be tal ta stojol te sacerdote, ha ya sjohp johpuc ta sc'ab scuenta sna'ojibal, ya schic' ta scajtajib ta chiq'uel mahtanil ta sba te mahtaniletic chic'bilic ta stojol Jehová. Ha milbil mahtanil yu'un stojel mulil.

Levítico 5:9

Ya stsihtsin jtebuc te sch'ich'el te mahtanil yu'un stojel mulil ta spahc'ul te scajtajib ta chiq'uel mahtanil; te ch'ich' ya xhile ya spits'be ta yoc te scajtajib. Ha milbil mahtanil yu'un stojel mulil.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Éxodo 16:36

(Te jun gomer ha jun ta slajunebal jun efa.)

Éxodo 16:18

La sp'isic ta gomer, te mach'a bayel la stam, ma ba la spas sobra, soc te mach'a jteb nax la stam, ma ba la spas falta. Jujutuhl la stamic hich yipal te ya swe'ique.

San Lucas 2:24

soc talic yu'un ya ya'beyic smahtan Dios hich te bin ut'il ya yal ta Ley yu'un te Cajwaltic: Cha'coht xpuliwoc o cha'coht stsuhmut, te xchihe.

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

Levítico 1:14

Teme mutetic ya x'a'bot scuenta scohtol chic'bil mahtanil te Jehová, ya me yac' xpuliwoc o jcolel stsuhmut.

Levítico 6:20

Hich ay te mahtanil ya yac' te Aarón soc te snich'nab ta stojol Jehová te c'alal ya xmalbot aceite scuenta ch'ultesel: ha jun ta slajunebal efa lequil harina, j'ohlil ya yac' ta sab, j'ohlil ta tibiltic, ha mahtanil te ma xlaj sc'oblal ta aq'uel.

Levítico 14:21

Teme pobre, te ma xhu' yu'un yaq'uel ini, ya me yic' tal jcoht jcolel tat tuminchij scuenta mahtanil yu'un stahel falta te ya yich' tuchilanel scuenta stojbeyel smul, soc jun ta slajunebal efa lequil harina wots'bil ta aceite scuenta mahtanil harina, jun log aceite,

Levítico 27:8

Yan teme c'ax pobre te ma xhu' yu'un stojel hich yipal te yac awale, ya me yich' iq'uel bahel ta stojol te sacerdote, ha ya yal jayeb ya stoj; chican te jayeb ya xhu' yu'un te mach'a ay bin schapoj, hich ya yal te sacerdote te stojele.

Levítico 12:8

Teme ma xhu' yu'un ya yac' jcoht jcolel tuminchij, ya xhu' ya yac' cha'coht xpuliwoc o cha'coht jcolel stsuhmut, jcoht scuenta scohtol chic'bil mahtanil, jcoht scuenta mahtanil yu'un mulil; te sacerdote ya spasbe te stojel smul, hich ya xlecub sc'oblal a.