Levítico 4:35 - Bible in Tzeltal Bachajón

³⁵ Ya sloq'uesbe spisil te sjuhp'el, hich te bin ut'il ya yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic'be te sjuhp'el ta scajtajib ta chiq'uel mahtanil ta sba te chic'bil mahtanil ta stojol Jehová. Te sacerdote hich ya spasbe te stojel mulil yu'un te smul stahoj, hich ya sta perdón a.

Bible in Tzeltal de Oxchuc y Tenejapa

³⁵ Ya me sloq'uesbey spisil te xepuile, jich nix te bit'il ya yich' pasel te chij ya yich' aq'uel swenta milbil majt'anil swenta lamal-o'tanile. Ya me xchic'bey te xepuil ta scajtijib majt'aniletic, ja' me ya sjoin ta chiq'uel te majt'aniletic ya yich' chiq'uel ta swenta quich'el ta muc' jo'on te Ajwalilone. Te sacerdote jich ya stabey a te perdón yu'un smul te mach'a staoj smul, soc jich me pasbil perdón ya xc'ot a.

Levítico 4:35 Referans Kwoze

Levítico 4:26

Soc ya schic'be spisil te sjuhp'el ta sba te scajtajib ta chiq'uel mahtanil, hich te bin ut'il te sjuhp'el te milbil mahtanil scuenta lamal q'uinal. Te sacerdote hich ya spasbe te stojel mulil yu'un, hich ya sta perdón a.

Levítico 4:20

Hich ya spasbe te jcolel toro te bin ut'il la spasbe te jcolel toro yu'un stojel mulil. Te sacerdote hich ya spasbe te stojel mulil yu'un te pueblo, hich ya stahic perdón a.

Levítico 14:18

Te aceite te ay to hilem ta sc'ab ya sjaxbe ta sjol te mach'a yac yich'bel lecubtesel. Te sacerdote hich ya spasbe te stojel mulil ta stojol Jehová.

Levítico 6:7

Te sacerdote hich ya spasbe te stojel mulil yu'un ta stojol Jehová, hich ya sta perdón yu'un te biluc mulil te la sta falta yu'une, xchi te Jehová.

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

1 Pedro 2:22

Mayuc la sle smul soc mayuc lotil c'op loc' ta ye.

Hebreos 9:14

¿ha'uc to balix a te sch'ich'el te Cristo, te ha ta scuenta te Espíritu sbahtel q'uinal ay la yac' sba ta lajel ta stojol Dios scuenta milbil mahtanil te mayuc bin jihnem, ya spocbeyex awo'tanic yu'un awa'telic scuenta lajel, scuenta yu'un yac awac' abahic ta a'batinel ta stojol te cuxul Diose?

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

Hebreos 4:14

Ha yu'un, te bin ut'il ay muc'ul sacerdote cu'untic te sohl bahel ta ch'ulchan, ha te Jesús te Snich'an Dios, ma me xquihquitaytic te bin jch'uhunejtique.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Colosenses 1:14

te ha ta scuenta te mambil jcoleltic ta sch'ich'el, ha te perdón yu'un te jmultique.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Romanos 10:4

como te Cristo la slajimbe sc'oblal te Ley, scuenta yu'un toj ya xc'ohtic ta stojol Dios spisil te mach'atic ya sch'uhunique.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

Romanos 4:25

te ac'ot ta lajel ta scuenta jmultic, soc te cha'cuxajtesot tal scuenta yu'un ya xhalbotic te toj ayotique.

Números 15:25

Hich te sacerdote ya spas te stojel mulil yu'un spisil te pueblo yu'un te snich'nab Israel, hich ya xpasbotic perdón a, como ma yolojuc a la spasic. Ya ya'beyic Jehová te mahtanil te ya yich' chiq'uel soc te mahtanil yu'un stojel mulil, ta scaj te howiyique.

Levítico 14:53

Patil ya scoltay bahel ta ha'mal ta fuera yu'un te pueblo te cuxul tut ha'mal mute. Hich ya spasbe te stojel mulil te nahe, hich lec sc'oblal ya xhil a, xchi te Jehová.

Levítico 12:8

Teme ma xhu' yu'un ya yac' jcoht jcolel tuminchij, ya xhu' ya yac' cha'coht xpuliwoc o cha'coht jcolel stsuhmut, jcoht scuenta scohtol chic'bil mahtanil, jcoht scuenta mahtanil yu'un mulil; te sacerdote ya spasbe te stojel smul, hich ya xlecub sc'oblal a.

Levítico 9:7

Te Moisés la yalbe te Aarón: Nohpojan tal ta scajtajib ta chiq'uel mahtanil, ac'a te milbil mahtanil yu'un mulil soc te scohtol chic'bil mahtanil awu'un, soc pasa te stojel mulil awu'un soc yu'un te pueblo; ha nix hich ac'a te mahtanil yu'un te pueblo, soc pasbeya te stojel smulic, hich te bin ut'il yaloj te Jehová, xchi.

Levítico 5:13

Te sacerdote hich ya spasbe te stojel mulil yu'un te smul stahoj, chican te bin mulil halbil sc'oblal li'i, hich ya sta perdón a. Te ban c'alal ya xhil yu'un te harina ha ya yich' te sacerdote, hich te bin ut'il te mahtanil harina, xchi te Jehová.

Levítico 5:10

Te schebal mut ya yac' scuenta scohtol chic'bil mahtanil hich te bin ut'il ay ta pasele. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Números 15:28

Te sacerdote ya spas te stojel mulil yu'un te mach'a ma yolojuc a te stahoj smul ta stojol Jehová; ya spas te stojel mulil ta scuenta, hich ya xpasbot perdón.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.

Levítico 19:22

Ta scuenta te tat tuminchij yu'un mahtanil yu'un stahel falta, te sacerdote ya spasbe te stojel mulil ta stojol Jehová yu'un te smul stahoje; hich ya xpasbot perdón yu'un te smul stahoje.