Levítico 4:33 - Bible in Tzeltal Bachajón

³³ Ya scajan sc'ab ta sjol te mahtanil yu'un stojel mulil, ya smil scuenta mahtanil yu'un stojel mulil tey ta lugar ta banti ya yich' milel te scohtol chic'bil mahtanile.

Bible in Tzeltal de Oxchuc y Tenejapa

³³ Ya me scajanbey sc'ab ta sjol te chij, ya me sbojbey snuc' swenta bit'il ya yich' milel swenta majt'anil yu'un te mulile, tey me ta yawil ta banti ya yich' milel te chambalametic yu'un ya yich' chiq'uele.

Levítico 4:33 Referans Kwoze

Levítico 4:4

Ya me yic' tal te jcolel toro ta yochibal Nahilpac' Templo yu'un tahojibal ta stojol Jehová, ya scajan sc'ab ta sjol te jcolel toro, soc ya smil ta stojol Jehová.

Levítico 1:4

Ya scajan sc'ab ta sjol te scohtol chic'bil mahtanil, hich ay ta cuenta ya xc'oht yu'un stojel smul.

Levítico 1:5

Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 6:18

Spisil te winiquetic te ha snich'nab Aarón ya xhu' ya swe'ic. Ha mandaril sc'oblal te chic'bil mahtaniletic yu'un Jehová te ma xlaj sc'oblal ta cajalcaj ats'umbalic. Biluc a te ya xtahot yu'un te mahtanile, ha ch'ultesbil ya xc'oht, xchi.

Levítico 7:2

Ta lugar banti ya yich' milel te scohtol chic'bil mahtanil, tey nix ya yich' milel a te chambahlam yu'un te mahtanil yu'un stahel falta, soc ya yich' tsihtsinel te sch'ich'el ta sjoyobal ta sba te scajtajib ta chiq'uel mahtanil.

2 Crónicas 29:23

Ta patil la yiq'uic tal te tat tentsunetic ta stojol te ajwalil soc ta stojol te pueblo scuenta stojel mulil; la scajan sc'abic ta sjolic.