Levítico 4:26 - Bible in Tzeltal Bachajón

²⁶ Soc ya schic'be spisil te sjuhp'el ta sba te scajtajib ta chiq'uel mahtanil, hich te bin ut'il te sjuhp'el te milbil mahtanil scuenta lamal q'uinal. Te sacerdote hich ya spasbe te stojel mulil yu'un, hich ya sta perdón a.

Bible in Tzeltal de Oxchuc y Tenejapa

²⁶ Soc ya me xchic'bey spisil te xepuil ta sba te scajtijib jmajt'ane, jich nix te bit'il ya yich' pasel te xepuil te chambalam ya yich' milel swenta lamal-o'tanile. Te sacerdote jich me ya stabey a te perdón yu'un smul te jwentainwanej, jich me ya yich' pasel perdón te smule.

Levítico 4:26 Referans Kwoze

Levítico 4:20

Hich ya spasbe te jcolel toro te bin ut'il la spasbe te jcolel toro yu'un stojel mulil. Te sacerdote hich ya spasbe te stojel mulil yu'un te pueblo, hich ya stahic perdón a.

Números 15:28

Te sacerdote ya spas te stojel mulil yu'un te mach'a ma yolojuc a te stahoj smul ta stojol Jehová; ya spas te stojel mulil ta scuenta, hich ya xpasbot perdón.

Levítico 5:10

Te schebal mut ya yac' scuenta scohtol chic'bil mahtanil hich te bin ut'il ay ta pasele. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 4:35

Ya sloq'uesbe spisil te sjuhp'el, hich te bin ut'il ya yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic'be te sjuhp'el ta scajtajib ta chiq'uel mahtanil ta sba te chic'bil mahtanil ta stojol Jehová. Te sacerdote hich ya spasbe te stojel mulil yu'un te smul stahoj, hich ya sta perdón a.

Levítico 4:31

Soc ya me sloq'uesbe spisil te sjuhp'el, hich te bin ut'il la yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic' ta scajtajib ta chiq'uel mahtanil scuenta sumet yic' ta stojol Jehová. Te sacerdote hich ya spasbe te stojel mulil yu'un, soc hich ya sta perdón a.

Levítico 3:5

Te snich'nab Aarón ya schiq'uic ta scajtajib ta chiq'uel mahtanil, ta sba te scohtol chic'bil mahtanil ay ta si' te yac ta tihlele. Ha chic'bil mahtanil te sumet yic' ta stojol Jehová.

Levítico 6:7

Te sacerdote hich ya spasbe te stojel mulil yu'un ta stojol Jehová, hich ya sta perdón yu'un te biluc mulil te la sta falta yu'une, xchi te Jehová.

Levítico 5:18

Ya me yic' tal ta stojol sacerdote scuenta mahtanil yu'un te la sta falta jcoht tat tuminchij o tentsun te mayuc bin jihnem yu'un, te hich ay stojol te yac awale. Te sacerdote ya spasbe te stojel mulil yu'un ma snopojuc la sta falta, hich ya sta perdón a.

Levítico 5:16

Soc ya me stoj te bin stahoj falta a ta stojol te bin ch'ultesbil, soc ya yac' xan jun ta yo'ebal te stojole, ha ya ya'be te sacerdote. Te sacerdote ya spasbe te stojel mulil ta scuenta te tat tuminchij ya yich' aq'uel scuenta milbil mahtanil yu'un stahel falta, hich ya sta perdón a.

Levítico 5:13

Te sacerdote hich ya spasbe te stojel mulil yu'un te smul stahoj, chican te bin mulil halbil sc'oblal li'i, hich ya sta perdón a. Te ban c'alal ya xhil yu'un te harina ha ya yich' te sacerdote, hich te bin ut'il te mahtanil harina, xchi te Jehová.

Levítico 1:4

Ya scajan sc'ab ta sjol te scohtol chic'bil mahtanil, hich ay ta cuenta ya xc'oht yu'un stojel smul.

Levítico 4:19

Soc ya me sloq'uesbe spisil te sjuhp'el, ya schic' ta scajtajib ta chiq'uel mahtanil.

Levítico 12:8

Teme ma xhu' yu'un ya yac' jcoht jcolel tuminchij, ya xhu' ya yac' cha'coht xpuliwoc o cha'coht jcolel stsuhmut, jcoht scuenta scohtol chic'bil mahtanil, jcoht scuenta mahtanil yu'un mulil; te sacerdote ya spasbe te stojel smul, hich ya xlecub sc'oblal a.

Levítico 14:18

Te aceite te ay to hilem ta sc'ab ya sjaxbe ta sjol te mach'a yac yich'bel lecubtesel. Te sacerdote hich ya spasbe te stojel mulil ta stojol Jehová.

2 Crónicas 29:24

Te sacerdotehetic la smilic soc la smalbeyic sch'ich'el ta sjoyobal te scajtajib ta chiq'uel mahtanil scuenta stojel mulil yu'un spisil Israel, como la yalix mandar te ajwalil te ya yich' pasel te scohtol chic'bil mahtanil soc te stojel mulil yu'un spisil Israel.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.

Levítico 17:11

Como ay ta ch'ich' te scuxlejal, soc ho'on la jca'beyex te ch'ich' scuenta stojel mulil awu'unic ta scajtajib ta chiq'uel mahtanil; ha nix te ch'ich' te ya stojbe smul.

Levítico 19:22

Ta scuenta te tat tuminchij yu'un mahtanil yu'un stahel falta, te sacerdote ya spasbe te stojel mulil ta stojol Jehová yu'un te smul stahoje; hich ya xpasbot perdón yu'un te smul stahoje.

Números 15:25

Hich te sacerdote ya spas te stojel mulil yu'un spisil te pueblo yu'un te snich'nab Israel, hich ya xpasbotic perdón a, como ma yolojuc a la spasic. Ya ya'beyic Jehová te mahtanil te ya yich' chiq'uel soc te mahtanil yu'un stojel mulil, ta scaj te howiyique.

Ezequiel 43:22

Ta schebal c'ahc'al yac awac' tentsun te mayuc banti jihnem scuenta mahtanil yu'un stojel mulil; soc ya me slecubtesic te scajtajib ta chiq'uel mahtanil hich te bin ut'il la slecubtesic ta scuenta te toro.