Levítico 4:25 - Bible in Tzeltal Bachajón

²⁵ Te sacerdote ya yich'be sch'ich'el te mahtanil, ya sjaxbe soc yal sc'ab ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Bible in Tzeltal de Oxchuc y Tenejapa

²⁵ Jich te sacerdote ya me stsac ta yal sc'ab jtebuc te xch'ich'el chambalam yich'oj milel ta swenta te mulile, ya me xjaxbey ta xulubiletic yu'un te scajtijib majt'anil, patil te ch'ich' ya xjile, ya me smalbey ta yacan te scajtijib ta chiq'uel majt'anile.

Levítico 4:25 Referans Kwoze

Levítico 4:34

Te sacerdote ya yich'be sch'ich'el te mahtanil yu'un stojel mulil, ta yal sc'ab ya sjaxbe ta xulubiletic yu'un te scajtajib ta chiq'uel mahtanil; te ch'ich' te ya xhile, ya smalbe ta yoc te scajtajib.

Levítico 4:30

Patil te sacerdote ya smul ta ch'ich' te yal sc'ab, ya sjaxbe ta xulubiletic yu'un te scajtajib ta chiq'uel mahtanil, soc te ch'ich' ya xhile, ya smalbe ta yoc te scajtajib.

Levítico 4:18

Soc ya sjaxticlan ta ch'ich' te xulubiletic yu'un te scajtajib ta chiq'uel pom te ay ta stojol Jehová, ta Nahilpac' Templo yu'un tahojibal. Spisil te ch'ich' ya xhile, ya smalbe ta yoc te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

Levítico 4:7

Ya me sjaxbe te ch'ich' ta xulubiletic yu'un te scajtajib ta chiq'uel pom te ay ta Nahilpac' Templo yu'un tahojibal, ta stojol te Jehová; te sch'ich'el te hilem ya smalbe ta yoc te scajtajib ta chiq'uel mahtanil te ay ta stojol te yochibal te Nahilpac' Templo yu'un tahojibal.

Levítico 9:9

Te snich'nab Aarón la yich'beyic tal te sch'ich'el; te Aarón la smul te yal sc'ab ta ch'ich', la sjax a te xulubiletic yu'un te scajtajib ta chiq'uel mahtanil; te ch'ich' te hil la smalbe ta yoc te scajtajib.

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

Romanos 10:4

como te Cristo la slajimbe sc'oblal te Ley, scuenta yu'un toj ya xc'ohtic ta stojol Dios spisil te mach'atic ya sch'uhunique.

Isaías 40:21

¿Ma bal lajuc ana'ic? ¿Ma bal lajuc awa'iyic? ¿Ma bal halbotuquex ta shahchibal? ¿Ma bal ana'ojicuc c'alal ta shahchibal te bahlumilale?

Levítico 16:18

ya xloc' bahel ta scajtajib ta chiq'uel mahtanil te ay ta stojol Jehová, ya spasbe te stojel mulil; ya yich'be sch'ich'el te jcolel toro soc sch'ich'el te tat tentsun, ya sjaxbe ta xulubiletic ta sjoyobal te scajtajib ta chiq'uel mahtanil.

Levítico 8:15

Te Moisés la smil, la yich'be te sch'ich'el, ta yal sc'ab la sjaxbe ta xulubiletic soc ta sjoyobal te scajtajib ta chiq'uel mahtanil, yu'un ya slecubtes. Te ch'ich' te hile, la smalbe ta yoc te scajtajib, hich la sch'ultes scuenta yu'un tey ya yich' pasel a te stojel mulile.

Levítico 8:10

Te Moisés la stsac te aceite scuenta ch'ultesel, la smal a te Nahilpac' soc ta sba spisil te bintic ayic ta yutil, hich la sch'ultes;

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

Levítico 4:24

Ya scajan sc'ab ta sjol te tat tentsun, ya smil ta lugar te banti ya yich' milel te scohtol chic'bil mahtanil ta stojol Jehová; ha milbil mahtanil yu'un stojel mulil.

Éxodo 29:12

Ya me awich'be te sch'ich'el te toro, ya me ajaxbe ta yal ac'ab te xulubiletic yu'un te scajtajib ta chiq'uel mahtanil. Soc te ch'ich' te hilem ya me amal spisil ta yoc te scajtajib ta chiq'uel mahtanil.

Levítico 5:9

Ya stsihtsin jtebuc te sch'ich'el te mahtanil yu'un stojel mulil ta spahc'ul te scajtajib ta chiq'uel mahtanil; te ch'ich' ya xhile ya spits'be ta yoc te scajtajib. Ha milbil mahtanil yu'un stojel mulil.

Levítico 17:11

Como ay ta ch'ich' te scuxlejal, soc ho'on la jca'beyex te ch'ich' scuenta stojel mulil awu'unic ta scajtajib ta chiq'uel mahtanil; ha nix te ch'ich' te ya stojbe smul.