Levítico 4:21 - Bible in Tzeltal Bachajón

²¹ Ya sloq'ues bahel te jcolel toro ta fuera yu'un te campamento, ya schic' hich te bin ut'il la schic' te yan jcolel toro; ha milbil mahtanil yu'un stojel mulil yu'un te pueblo.

Bible in Tzeltal de Oxchuc y Tenejapa

²¹ Ya me sloq'uesic bael ta spat campamento te toro, ya me xchiq'uic tey a, jich nix te bit'il la yich' pasel te sbabial toro, melel ja' te milbil majt'anil swenta smul spisilic te lume.

Levítico 4:21 Referans Kwoze

Levítico 16:15

Patil ya smil te tat tentsun scuenta mahtanil yu'un smul te pueblo, ya yich'be ochel te sch'ich'el ta yutil te tsalul pac'; hich ya spas te bin ut'il la spasbe te sch'ich'el te jcolel toro, ya stsihtsimbe ta sba soc ta stojol te yawil stahel perdón.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

Esdras 8:35

Te mach'atic te suhtic tal ta chuquel la yaq'uic scohtol chic'bil mahtaniletic ta stojol te Dios yu'un Israel: ha lahchaycoht (12) jcolel torohetic, waclajuneb yo'winic (96) ta coht tat tuminchijetic, huclajuneb schanwinic (77) ta coht jcolel tuminchijetic, soc lahchaycoht (12) tat tentsunetic scuenta stojel mulil, spisilic scuenta scohtol chic'bil mahtaniletic ta stojol te Jehová.

Levítico 16:21

te Aarón ya scajan sc'ab ta sjol, ya yal ta stojol spisil te bin chopol spasojic te snich'nab Israel, ha te stoybahilic soc spisil smulic. Hich ya ya'be ta sjol te tat tentsun, soc ya scoltay bahel ta jochol taquin q'uinal ta scuenta jtuhl winic te tsahbile.

Hebreos 13:11

Como te muc'ul sacerdote ya yich' ochel ta Mero Ch'ul Awilal te sch'ich'el chambahlametic scuenta milbil mahtanil yu'un stojel mulil, pero te sbaq'uetal te chambahlametic ya yich'ic chiq'uel ta sti'il te campamento.

Levítico 4:13

Teme spisil te pueblo Israel te ma snopojuc a ya sta smul, teme ma ba sna'oj te pueblo te stahoj smule, stahoj smul yu'un te la sc'axuntaybe smandar Jehová te ma hichuc ay ta pasele.

Levítico 4:20

Hich ya spasbe te jcolel toro te bin ut'il la spasbe te jcolel toro yu'un stojel mulil. Te sacerdote hich ya spasbe te stojel mulil yu'un te pueblo, hich ya stahic perdón a.

Números 15:24

teme ma yolojuc a te hich ya spas te pueblohe, spisil te pueblo ya me yaq'uic jcoht toro scuenta scohtol chic'bil mahtanil te sumet yic' ta stojol Jehová, soc mahtanil harina soc malbil mahtanil yu'un, hich te bin ut'il ay ta pasel, soc ya me yaq'uic jcoht tat tentsun scuenta stojel mulil.

Éxodo 29:14

Yan te sbaq'uetal te toro, te snuhculel soc stsa' ya me achic' ta c'ahc' ta sti'il te campamento. Ha me mahtanil yu'un mulil.

Levítico 6:11

Patil ya sjeltay te sc'u' spac', ya yich' bahel te stanul ta fuera yu'un te campamento ta lugar te ma ba bohloben sc'oblal.

Levítico 6:23

Spisil te mahtaniletic ya yac' te sacerdote, scohtol me ya yich' chiq'uel, ma ba ya yich' we'el, xchi.

Levítico 8:17

Pero te jcolel toro, te snuhculel, sbaq'uetal soc stsa', la schic' ta c'ahc' ta fuera yu'un te campamento, hich te bin ut'il halbot yu'un Jehová te Moisés.

Levítico 16:27

Patil ya yich'ic loq'uel ta fuera yu'un te campamento te jcolel toro soc te tentsun scuenta mahtanil yu'un mulil, te la yich' ich'beyel ochel sch'ich'elic ta ch'ul awilal scuenta spasel stojel mulil, ya schiq'uic tey a te snuhculel, sbaq'uetal soc stsa'.

Ezequiel 45:22

Ta c'ahc'al ini te príncipal ya me yac' jcoht jcolel toro scuenta milbil mahtanil yu'un stojel smul soc stojel smulic spisil te ants-winiquetic ta q'uinal.