Levítico 4:15 - Bible in Tzeltal Bachajón

¹⁵ Te mamaletic yu'un te pueblo ya scajan sc'abic ta sjol te jcolel toro ta stojol Jehová, soc tey ya smilic a te jcolel toro.

Bible in Tzeltal de Oxchuc y Tenejapa

¹⁵ Te mamaletic ich'bilic ta muc' yu'un te lume, ya me xc'o scajan sc'abic ta sjol te toro ta jtojol jo'on te Ajwalilone, soc tey me ora ya sbojbeyiquix snuc' a te toroe.

Levítico 4:15 Referans Kwoze

Levítico 1:4

Ya scajan sc'ab ta sjol te scohtol chic'bil mahtanil, hich ay ta cuenta ya xc'oht yu'un stojel smul.

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

Números 11:16

Ha yu'un te Jehová hich la yalbe te Moisés: Tsobon lajuneb schanwinic (70) ta tuhl winiquetic ta yohlil te mamaletic yu'un Israel te ana'oj te ha mamaletic yu'un te pueblo soc príncipaletic yu'unic; ic'a tal ta Nahilpac' Templo yu'un tahojibal, ac'a sjoquinat ta mahlab tey a.

Números 8:10

Te c'alal la awac' nohpojuc tal ta stojol Jehová te levitahetic, te snich'nab Israel ya scajanlambe sc'abic ta sjolic te levitahetique.

Levítico 16:21

te Aarón ya scajan sc'ab ta sjol, ya yal ta stojol spisil te bin chopol spasojic te snich'nab Israel, ha te stoybahilic soc spisil smulic. Hich ya ya'be ta sjol te tat tentsun, soc ya scoltay bahel ta jochol taquin q'uinal ta scuenta jtuhl winic te tsahbile.

Levítico 8:22

Patil te Moisés la yac' ta iq'uel tal te yan tat tuminchij, ha te tat tuminchij scuenta mach'a ya x'a'bot yich' ya'tel. Te Aarón soc te snich'nab la scajan sc'abic ta sjol te tuminchij.

Levítico 8:14

Patil la sticon ta iq'uel tal te jcolel toro scuenta mahtanil yu'un mulil. Te Aarón soc te snich'nab la scajan sc'abic ta sjol te jcolel toro.

Levítico 4:4

Ya me yic' tal te jcolel toro ta yochibal Nahilpac' Templo yu'un tahojibal ta stojol Jehová, ya scajan sc'ab ta sjol te jcolel toro, soc ya smil ta stojol Jehová.

Éxodo 24:9

Hich te Moisés mo bahel soc Aarón, Nadab, Abiú soc lajuneb schanwinic (70) ta tuhl mamaletic yu'un Israel;

Éxodo 24:1

Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 4:16

Te sacerdote te yich'oj malel ta aceite ya yich'be ochel jtebuc te sch'ich'el te jcolel toro ta Nahilpac' Templo yu'un tahojibal,

Levítico 8:18

Patil la yac' ta iq'uel tal te tat tuminchij yu'un scohtol chic'bil mahtanil; te Aarón soc te snich'nab la scajan sc'abic ta sjol te tuminchije.

Números 8:12

Patil te levitahetic ya yac' sc'abic ta sjol te torohetic; te jcoht toro yac awac' scuenta mahtanil yu'un mulil, te yane scuenta scohtol chic'bil mahtanil ta stojol Jehová scuenta stojbeyel smulic te levitahetique.

2 Crónicas 29:23

Ta patil la yiq'uic tal te tat tentsunetic ta stojol te ajwalil soc ta stojol te pueblo scuenta stojel mulil; la scajan sc'abic ta sjolic.