Levítico 3:8 - Bible in Tzeltal Bachajón

⁸ Ya scajan sc'ab ta sjol te mahtanil yu'un, ya smil ta stojol te Nahilpac' Templo yu'un tahojibal. Te snich'nab Aarón ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Bible in Tzeltal de Oxchuc y Tenejapa

⁸ ya me scajan sc'ab ta sjol, ya me sbojbey snuc' ta stojol te Nailpac' te banti ya quich' c'oponele. Jich te sacerdoteetic ya me stsijts'anbeyic te xch'ich'el chambalam ta sjoyobal ta spat te scajtijib ta chiq'uel majt'anile.

Levítico 3:8 Referans Kwoze

Levítico 1:5

Ya smil te jcolel toro ta stojol Jehová. Te snich'nab Aarón, ha te sacerdotehetic, ya ya'beyic smahtanin Jehová te ch'ich', ya stsihtsimbeyic ta sjoyobal te scajtajib ta chiq'uel mahtanil te ay ta yochibal te Nahilpac' Templo yu'un tahojibal.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Efesios 3:12

Ta scuenta Cristo soc ta scuenta sch'uhunel co'tantic ta stojol, jun co'tantic ya xhu' ya xnohpojotic ta stojol Dios.

Efesios 2:18

como ha ta scuenta te pajal ya xhu' ya x'ochotic ta stojol te Tatil ta scuenta junax Espíritu.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Levítico 4:24

Ya scajan sc'ab ta sjol te tat tentsun, ya smil ta lugar te banti ya yich' milel te scohtol chic'bil mahtanil ta stojol Jehová; ha milbil mahtanil yu'un stojel mulil.

Levítico 4:15

Te mamaletic yu'un te pueblo ya scajan sc'abic ta sjol te jcolel toro ta stojol Jehová, soc tey ya smilic a te jcolel toro.

Levítico 4:4

Ya me yic' tal te jcolel toro ta yochibal Nahilpac' Templo yu'un tahojibal ta stojol Jehová, ya scajan sc'ab ta sjol te jcolel toro, soc ya smil ta stojol Jehová.

Levítico 3:13

Ya scajan sc'ab ta sjol, ya smil ta Nahilpac' Templo yu'un tahojibal. Te snich'nab Aarón ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 1:11

Ya smil ta stojol norte yu'un te scajtajib ta chiq'uel mahtanil, ta stojol te Jehová. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal te scajtajib ta chiq'uel mahtanil.

Levítico 1:4

Ya scajan sc'ab ta sjol te scohtol chic'bil mahtanil, hich ay ta cuenta ya xc'oht yu'un stojel smul.