Levítico 3:3 - Bible in Tzeltal Bachajón

³ Ta banti te milbil mahtanil scuenta lamal q'uinal, ya me ya'be Jehová scuenta chic'bil mahtanil te sjuhp'el macal sbiquil a soc te sjuhp'el ta yutil sch'uht,

Bible in Tzeltal de Oxchuc y Tenejapa

³ “Te mach'a ya yic' tel te chambalam yu'un ya yac'bon jmajt'anin swenta lamal-o'tanile, ya me sc'an ya yac'bon ta jtojol swenta chic'bil jmajt'an te xepuil macal a te yutil xch'ujt' te chambalame,

Levítico 3:3 Referans Kwoze

Éxodo 29:13

Soc ya me atsac spisil te sjuhp'el sbiquil, te sjuhp'el te sehcub, te cheb sriñon soc sjuhp'el, ya me achic' ta scajtajib ta chiq'uel mahtanil.

San Mateo 15:8

Te pueblo ini ta ye nax ya yich'onic ta muc', pero te yo'tanic namal ayic ta jtojol,

Éxodo 29:22

Ya me awich'be sjuhp'el te tat tuminchij, soc sjuhp'el sne, te sjuhp'el ta sba sbiquil, sjuhp'el sehcub, schebal sriñon soc sjuhp'el, soc te swa'el cub, como ha tat tuminchij scuenta ch'ultesojibal.

Romanos 6:6

Jna'ojtic te pajal ac'ot ta lajel ta cruz soc Cristo te jpoco'-taleltic, scuenta yu'un ya xlaj te baq'uet yu'un mulil, scuenta yu'un ma ba ya cac' jbahtiquix ta a'batinel yu'un te mulile,

Romanos 5:5

soc te smuc'ul co'tanic ma xyac'otic ta q'uexlal, como malbilix ta co'tantic te sc'uxul yo'tan Dios ta scuenta te Ch'ul Espíritu te a'bilotiquixe.

San Mateo 13:16

Pero bayel yutsil asitic ha'ex como yac awilic, soc bayel yutsil achiquinic como yac awa'iyic.

Ezequiel 36:26

Ya ca'beyex yach'il awo'tanic, soc ya ca'beyex yach'il espíritu. Ya jloq'uesbeyex te o'tanil yu'un ton, ya ca'beyex o'tanil yu'un baq'uet.

Isaías 6:10

Tulantesbeya yo'tan te pueblo ini; macbeya schiquinic soc macbeya sitic, scuenta yu'un ma ba ya yil ta sitic, ma ba ya ya'iy ta schiquinic, ma ba ya xc'oht ta yo'tanic, ni ha'uc hich ya suhtes yo'tanic soc ya xlecubic yu'un, xchi.

Proverbios 23:26

Jnich'an, a'bon awo'tan, ilbon te behetic cu'une.

Salmos 119:70

Tonob yo'tanic, yan te ho'one tse'el co'tan ta stojol te ley awu'une.

Deuteronomio 30:6

Te Jehová te Dios awu'un ya ya'bat circuncisión ta awo'tan soc ta yo'tanic te patil al-nich'aniletic awu'un, scuenta yu'un c'ux yac awa'iy ta awo'tan te Jehová te Dios awu'un ta spisil awo'tan soc ta spisil ach'uhlel, scuenta yu'un hich ya xcuxajat a.

Levítico 3:16

Te sacerdote ya schic'ticlan ta scajtajib scuenta mahtanil we'elil ya yich' chiq'uel te buen sumet yic'. Spisil te sjuhp'el ha yu'un Jehová.

Levítico 1:8

Patil te snich'nab Aarón, te sacerdotehetic, ya scajanlanic ta lec te jecticlambil, te sjol soc te sjuhp'el sbiquil, ya yac'ticlanic ta sba si' te ay sc'ahc'al te ay ta sba te scajtajib ta chiq'uel mahtanil.

Levítico 1:12

Te winic ya sjecticlan; te sacerdote ya yac'ticlan soc sjol, soc sjuhp'el ta sbiquil ta ba si' te ay sc'ahc'al te ay ta scajtajib ta chiq'uel mahtanil.

Levítico 3:2

Ya scajan sc'ab ta sjol te mahtanil yu'une, ya smil ta yochibal Nahilpac' Templo yu'un tahojibal. Te snich'nab Aarón, te sacerdotehetic, ya stsihtsimbeyic sch'ich'el ta sjoyobal ta sba te scajtajib ta chiq'uel mahtanil.

Levítico 3:4

schebal sriñon soc sjuhp'el te potsol a, soc te sjuhp'el ta sba slomo; pajal ya sloq'uesbe soc sriñon te sjuhp'el te sehcub.

1 Samuel 2:15

Ha nix hich, te c'alal ma to ba chic'bil a te sjuhp'el, ya xtal te ya'bat te sacerdote, hich ya xc'oht yalbe te mach'a ya yac' te milbil mahtanil: A'bon ti'bal yu'un ya jwobe sti' te sacerdote, como ma ba ya yich'bat ti'bal te ta'ajemix, stsehel ya sc'an, xchi.

Levítico 4:10

hich te bin ut'il ya yich' loq'uesbeyel sjuhp'el te toro yu'un milbil mahtanil scuenta lamal q'uinal. Te sacerdote ya schic' ta scajtajib ta chiq'uel mahtanil.

Levítico 7:5

Te sacerdote ya me schic' ta scajtajib ta chiq'uel mahtanil, ha chic'bil mahtanil ta stojol Jehová. Ha milbil mahtanil yu'un stahel falta.

Levítico 7:30

Ta sc'ab nix ya yich'be tal te mahtaniletic te ya yich'ic chiq'uel ta stojol Jehová; ya me yich' tal te sjuhp'el soc te stahn, scuenta yu'un ya yich' tuchilanel te stahn ta stojol Jehová scuenta tuchilambil mahtanil.

Levítico 9:10

La schic' ta scajtajib ta chiq'uel mahtanil te sjuhp'el, riñonetic, soc te sjuhp'el sehcub te mahtanil yu'un mulil, hich te bin ut'il halbot yu'un Jehová te Moisés.

Levítico 16:25

Ya schic' ta scajtajib ta chiq'uel mahtanil te sjuhp'el te milbil mahtanil yu'un mulil.

Ezequiel 44:15

Pero te sacerdote-levitahetic, te sts'umbal Sadoc, te la sch'uhunic spasel te bintic la sc'an pasel ta ch'ul awilal cu'un te c'alal la yihquitayonic hilel te israeletic, ha'ic ya xnohpojic ta a'tel ta jtojol, soc ya stehc'an sbahic ta jtojol yu'un ya ya'bonic te sjuhp'el soc te ch'ich', xchi te Jehová, te Ajwalil.