Levítico 27:34 - Bible in Tzeltal Bachajón

³⁴ Ha te mandariletic ini te halbot yu'un Jehová te Moisés yu'un te snich'nab Israel ta wits Sinaí.

Bible in Tzeltal de Oxchuc y Tenejapa

³⁴ Ja' in to, ja' te mandaliletic ac'bot yu'un Cajwaltic ta wits Sinaí te Moisés, te ja' smandalteselic ta spisil te israeletique.

Levítico 27:34 Referans Kwoze

Levítico 26:46

Ha ini te bintic chapal, te bintic yaloj soc te leyetic te la schap Jehová soc te snich'nab Israel ta wits Sinaí ta scuenta Moisés.

Números 1:1

Te Jehová la sc'opon te Moisés c'alal ay ta jochol taquin q'uinal Sinaí, ta Nahilpac' Templo yu'un tahojibal, ta sba c'ahc'alil yu'un te schebal u, ta schebal ha'bil sloq'uelic tal ta Egipto a, hich la yalbe:

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

Deuteronomio 4:45

Ha te testigo c'op, te bintic chapal soc te bintic halbil ta mandar te Moisés la yalbe te snich'nab Israel c'alal loq'uic tal ta Egipto;

Deuteronomio 4:5

Ilawil, la jca'beyexix anopic te bintic chapal soc te bintic yaloj ta mandar, hich te bin ut'il la spason ta mandar te Jehová te Dios cu'un, scuenta yu'un hich yac apasic tey ta q'uinal te banti ya xc'oht awu'untayique.

Levítico 7:38

te pasot ta mandar yu'un Jehová te Moisés ta wits Sinaí, te bin c'ahc'alil la yalbe te snich'nab Israel te ya me ya'beyic smahtan te Jehová, tey ta jochol taquin q'uinal ta Sinaí.

Números 36:13

Ha'ic ini te mandariletic soc te bintic yaloj Jehová ta scuenta Moisés ta stojol te snich'nab Israel ta spamlej yu'un Moab ta nopol te muc'ul-ha' Jordán, te snuhp'usitayej sba soc Jericó.

Deuteronomio 29:1

Hich ay te bin ya yal te chapbil-c'op te Jehová la spas ta mandar Moisés te ya yich' chapel soc te snich'nab Israel ta sq'uinal Moab, ha yan te chapbil-c'op la spas ta stojolic ta wits Horeb.

Números 3:1

Hich ay te sts'umbalic Aarón soc Moisés ta yorahil c'oponot yu'un Jehová te Moisés ta Wits Sinaí.

Números 28:6

Ha scohtol chic'bil mahtanil te ya yich' aq'uel spisil ora, te halbot sc'oblal ta wits Sinaí, te ha chic'bil mahtanil te sumet yic' ta stojol Jehová.

Deuteronomio 1:3

Ta cha'winic (40) ha'bil, ta sba c'ahc'alil yu'un te sbuluchebal (11) u, te Moisés la yalbe ya'iyic te snich'nab Israel spisil te bintic halbot yu'un Jehová;