Levítico 27:30 - Bible in Tzeltal Bachajón

³⁰ Te jun ta slajunebal te bin ya xloc' ta lumq'uinal, chican teme sit ts'unub awalil o sit te'etic, ha yu'un Jehová stuquel, ha te bin ac'bil ta stojol Jehová.

Bible in Tzeltal de Oxchuc y Tenejapa

³⁰ “Te jun ta slajunebal te bila ya xloc' ta lumq'uinal awu'unique, chican teme trigo, o cebada, o sit te'etic, ja' me cu'un, jo'on te Awajwalone, melel ch'ultesbil cu'un stuquel.

Levítico 27:30 Referans Kwoze

Génesis 28:22

Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

Nehemías 13:12

Spisil Judá la yich'ic tal te jun ta slajunebal te trigo, vino soc aceite, la yaq'uic ta yawil biluquetic ta templo.

San Lucas 18:12

Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

2 Crónicas 31:12

soc jun yo'tanic la yotsesic tey a te mahtaniletic, te jun ta slajunebal soc te bintic ch'uhltesbilic. La ya'beyic scuentahin te levita Conanías soc te yermano Simei.

Génesis 14:20

soc bayeluc me yutsil sc'oblal te Dios te mero toyol ay, te la ya'batix ta ac'ab te acontratac, xchi. Te Abram la ya'be smahtanin te Melquisedec jun ta slajunebal spisil te sbiluque.

San Lucas 11:42

¡Ay me awocolic, fariseohetic! como yac awac' jun ta slajunebal te menta, ruda soc spisil ta chahp ts'unubil itajetic, pero mayuc sc'oblal awu'unic te bin stojil ta pasel soc te sc'uxul yo'tan Dios. Ha ya sc'an yac apasic ini, soc ma ba yac awihquitayic spasel te yane.

Nehemías 13:5

Ya'beyejix te Tobías jun muc'ul tsahl na te banti yich'oj q'uejel mahtaniletic ta nahil to, ha te pom, te bintic ya xtuhun ta Templo, te jun ta slajunebal te trigo, vino soc aceite te halbil mandar te ya yich' a'beyel te levitahetic, te jc'ayojetic soc te jcanan-ti'nahiletic, soc te mahtaniletic yu'un te sacerdotehetique.

Nehemías 12:44

Ta hich ora ay winiquetic la yich' a'beyel ya'telic ta scuentahinel te yawil mahtaniletic, sba sit awal-ts'unubil soc te jun ta slajunebal, yu'un ya yich'ic q'uejel tey a te bintic ya yich'ic tal ta pueblohetic te ya yich'ic a'beyel te sacerdotehetic soc te levitahetic te hich ya yal te Ley. Como te mach'atic yu'un Judá mero tse'el yo'tanic ta stojol te sacerdotehetic soc te levitahetic te yaquic ta a'tele.

Levítico 27:29

Mayuc mach'a te parte ac'bil scuenta lajel te ya xhu' ya xmanot loq'uel, ya me yich' milel.

Levítico 27:31

Teme ay mach'a ya sc'an ya sman loq'uel te jun ta slajunebal, ya me yac' jun xan ta yo'ebal te stojole.

Deuteronomio 18:8

Pajal me ya x'a'bot swe'el soc te yantique, soc nix te bin ya x'a'bot yich' yu'un te state.

Deuteronomio 26:12

Te c'alal parte awac'ojix a te jun ta slajunebal ta spisil te sit ats'unub-awawal ta yoxebal ha'bil, ha te ha'bil yu'un ya yich' aq'uel te jun ta slajunebal, ha nix hich ya me awa'be te levita, jyanlum, me'ba' alal soc te me'ba' ants, scuenta yu'un ya swe'ic ta tut pueblohetic awu'un soc hich ya xnoj sch'uhtic a.

Génesis 47:24

Te jayeb sit ya yac', jun ta yo'ebal ya me awa'be te faraón. Te chaneb xan ha awu'unic yu'un yac awawic ta q'uinal soc yu'un yac amac'lin abahic a soc te mach'atic ay awu'unic ta anahic, scuenta yu'un ya xwe'ic te awal-anich'nabic, xchi sc'oblalic.

Génesis 47:26

Ha yu'un te José la yac' ta mandaril te hich yac ta pasel c'alal ora ta spahmal sq'uinal Egipto te ya ya'be faraón jun ta yo'ebal te bin ya sloq'uesic. Ha nax te sq'uinal sacerdotehetic te ma yu'unuc faraón c'oht.